GMN TV Sosiedade Evakua ona bolseiru 17 husi Wuhan, Timor-Leste agradese ba Nova Zelândia

Evakua ona bolseiru 17 husi Wuhan, Timor-Leste agradese ba Nova Zelândia

0 views

Primeiru Ministru (PM), Taur Matan Ruak, lori Governu Timor-Leste (TL) nia naran, hato’o agradesimentu bo’ot ba Governu no povu Nova Zelândia, ne’ebé ajuda ona Timor-Leste hodi evakua estudante bolseiru Timor-oan na’in 17, husi sidade Wuhan-Xina ba Nova Zelândia.

“Ita mós halo esforsu evakua ita-nia estudante nain 17, ita husu apoiu ba nasaun barak,  maibé la konsege hetan ajudus, hanoin  atu ba foti rasik mas, finalmente ita iha apoiu husi Governu Nova Zelândia nian, ha’u ko’alia nu’udar Primeiru Ministru, hakarak lori Governu no Estadu Timor -Leste nia naran, agradese ba senhor Primeira Ministra no povu Nova Zelândia, tanba bele fó apoiu ba ita-nia estudante sira, iha situasaun ida ne’ebé difisil tebes”, relata PM Taur Matan Ruak ba Jornalista sira Kinta (06/02/2020), iha Palásiu Prezidensial Bairu Pité Díli.

Taur hatutan, Timor-Leste mós interdita temporariamente ema sira ne’ebé mai husi Xina, husu ba sira atu iha testadu médiku,  ho seguransa iha serteza katak, sei la afeta mai Timor-Leste, karik presiza ba karantina tenke ba.

“Ita toma asaun lubuk ida, ita  halo ona rezolsaun ida prevene no  ida prevene no kontrola corona virus ne’e labele mai ita-nia rai, ida seluk mak ita opta regulamentu sanitáriu internasional para bele orienta, no buka kontrola atividade movimentu sidadaun Xinez mai iha ita-nia rain”,hakotu Taur.

Nune’e mos, Governu liu husi Minísteriu Negósiu Estranjeiru no Kooperasaun (MNEK), entrega karta agradesimentu ba Governu Nova Zelândia, liu husi sira-nia Embaixadór iha Timor-Leste(TL).

“Iha oportunidade ida ne’e MNEK hamutuk ho embaixador Nova Zelândia iha Timor-Leste, Governu hato’o apresiasaun no agradese ba governu Nova Zelândia ba envolventu governu Nova Zelândia nian, hodi lori estudante Timor-oan husi fatin afeitadu corona virus, ba iha Nova Zelândia, servisu ida ne’e ho koordenasaun intensivu, entre MNEK ho embaixadór rasik, durante semana rua nia laran, husi MNEK rasik mak koordena ho embaixador, maibé, ezekuta husi Diretor Interinu Joaquim Saves, hodi halo kordenasaun husi inisiu to’o evakua estudante sira mai Nova Zelândia”, hateten, Sekretario Jeral MNEK,  Jorge Trindade Camões, iha Praia dos Coqueiros-Díli, Kinta (06/02/2020).

Jorge Trindade Camões hatutan, koordenasaun ho Nova Zelândia sei kontinua, tamba estudante nain 17 sei iha karantina Nova Zelândia, no sei koordena fila-fali oinsa mak bele lori fila sira mai Timor-Leste.

“Konserteza kordenasaun ne’e ami la fó sai ba públiku, tamba ne’e ami nonok deit, to’o estudante sira sai hafoin públiku hatene, ne’e duni durante enkontru, Ministru Negosiu Estranjeiru no Kooperasaun hato’o apresiasaun bo’ot ba Nova Zelândia, tamba simu ita nia proposta hodi evakua, estudante nian 17 ho diak to’o iha Nova Zelândia, agora sira iha ne’eba, sei iha karantina nia laran durante loron 14, bainhira la detekta moras ruma husi sira, estudante hirak ne’e sei fila mai TL,” dehan, Jorge Trindade.

Ministru Negosiu Estranjeiru no Kooperasaun MNEK hato’o mos agradesimentu ba embaixada xina, ne’ebé mak koopera ho Timor-Leste, atu kuida ita nia estudante sira husi inisiu corona virus ne’e mosu, to’o estudante sira ne’e evakua sira ne’e sai.

“Buat barak mak governu Nova Zelândia asegura, maibé Estadu Timor-Leste mos koordena hela ho Nova Zelândia, kustu hira mak Timor presiza kontribui ba iha prosesu tomak, tamba ne’e diskusaun lao hela, osan montante hira mak governu prepara ha’u seidauk hatene, maibé governu determinadu liu husi Konsellu Ministru aprova ona orsamentu atu bele, kontribui komformi kustu ne’ebé presija ita atu hasai, maibé osan hirak ne’e sei asegura hela iha dotasaun Governu,” informa Jorge.

Iha fatin hanesan, Embaixador Nova Zelândia iha Timor-Leste, Philip Hewitt, aprofunda, Governu Nova Zelândia kontenti tebes, tamba bele akompña estudante Timor oan iha Wuhan, bele to’o iha Nova Zelândia.

Embaixador ne’e akresenta tan, Nova Zelândia ho Timor-Leste iha kooperasaun ne’ebé diak, iha area oi-oin ho ida ne’e halo Nova Zelândia senti orgullu no iha vontade hodi ajuda Timor oan sira ne’ebé iha sidade Wuhan, mai to’o Nova Zelândia.

“Agradese mós ba MNEK tamba halo ona konsultasaun no koordenasaun, embaxada TL iha beijing, no entidades seluk to’o bele tranfere estudante sira ne’e sai husi fatin afeitadu corona virus Importante tebes primeiru halo evakuasaun estudante sira mai nova zelândia diskusaun kontinau nafatin, iha parte lojistiku tamba, no sei halo preparasaun ba kustu hira mak ita sei presiza, ida ne’e sei halo akordu ida entre governu TL no Ggovernu Nova Zelândia” akresenta, Philip.

Embaixador ne’e mós promete, ba oin sei tau matan nafatin ba estudante hirak ne’e durante iha karantina, nomos sei haree fila fali oinsa mak bele lori fali sira mai TL, governu Nova Zelândia senti haraik aan tebes, tamba simu agradesimentu husi parte hotu-hotu iha TL, ba nova zelândia ida ne’e mak belun, tamba liu husi situasaun ida ne’e mak bele ajuda malu.oly/Cin


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker