GMN TV Sosiedade Governu atribui sertfikadu nasionalidade Timor-oan ba sidadaun estranjeiru 129

Governu atribui sertfikadu nasionalidade Timor-oan ba sidadaun estranjeiru 129

0 views

Governu liu husi Servisu Rejistu Notariadu Ministériu Justisa (MJ), atribui sertifikadu nasionalidade Timor-oan ba sidadaun estranjeiru hamutuk 129 kompostu hosi mane 21 no feto 108,  no sidadaun hirak ne’e mai hosi Nasaun 7 mak hanesan, Indonézia, Portugál, Pakistaun, Índia, Cuba, Austrália no Brázil.

Diretór Jerál Servisu Registos Notariadu MJ, Crisogno da Costa Neto, hatete, prosesu atribuisaun sertifikadu nasionalidade ba sidadaun estranjeiru, tuir rekejitus Konstituisaun Repúblika Demokratika Timor-Leste (RDTL) atu sai sidadaun Timor iha oin 2, hanesan sidadaun originál no adquerido.

“Agora ida ne’e ba sidadaun adquerido ne’ebé liu hosi prosesu rekizasaun kazamentu tanba kazamentu ne’e tenke liu hosi prosesu rekezitus hanesan sertidaun kazamentu no hela iha Timor minimu tinan 2 inklui hatene lian ofisiál”, dehan Diretór Jerál Notariadu, Crisogno da Costa Neto, ba Jornalista sira Tersa (04/02/2020) iha Kolmera Díli.

Diretór Jerál haktuir,atu halo konfirmasaun ba prosesu tomak mak sidadaun estranjeiru hirak ne’e tenke tuir teste, hanesan hatama dokumentu mai iha MJ hodi rejista hafoin halo prosesu selasaun hodi fo teste eskrita  no entrevista ba sira, rezultadu hosi teste ne’e hato’o ba Ministériu Públiku (MP) atu halo verifikasaun ba dokumentu sidadaun estranjeiru sira nian.

 “Iha sidadaun estranjeiru balun ne’ebé hela iha Timor desde tinan 1974 to’o agora, maibé foin mak hetan sertifikadu iha tinan ne’,e tanba liu hosi prosesu selesaun adquerido inklui prosesu aquizasaun ba sidadaun adquerido”, tenik nia.

Crisogno haktuir, sidadaun estranjeiru hirak ne’ebé foin simu sertifikadu tanba la hetan informasaun sufsiente ou dalaruma sira tuir ona teste maibé la liu, entaun sira tuir fila-fali teste hodi hetan sertifikadu  nasionalidade Timorense.

Nune’e mos Ministru Justisa, Manuel Cárceres hatete, Estadu iha obrigasaun no responsabilidade moral atu rekoñese sidadaun estranjeiru sira nu’udar sidadaun Timor.

“Ha’u atu agradese no husu deskulpa ba imi hotu nia pasiensia hodi hein tempu naruk, to’o ohin hetan sertifikadu nasionalidade Timorense.Ohin Estadu laos bolu imi feto foun no mane foun deit, maibé Estadu ho vikulu no juridíku ho Estadu RDTL nu’udar sidadaun Timor”.

Manuel Cárceres hatutan, nu’udar sidadaun Timor ida direitu tomak hanesan mos ho sidadaun Timor original, iha parte seluk sira mos iha direitu ho no dever hanesan ho sidadaun Timor original katak, direitu iha Konstituisaun ho lei sira inklui direitu kustumario sira fo ba Timor oan ida-idak, hahu hosi ohin sira mos goja direitu ida ne’e.

Nune’e mos, Guilhermina dos Santos Lobo de Araujo, agradese ba governu Timor-Leste tanba bele fó ona sertifikadu nasionalidade Timorense ba sidadaun estranjeiru hodi sai nu’udar Timor.

 “Ohin ha’u kontente los tanba mai simu sertifikadu nasionalidade Timoroan.Ha’u hakarak agradese ba maluk sira hotu nia kontribuisaun liu-liu Ministru Justisa Manuel Cárceres.Ha’u hanoin sira hamutuk ho ha’u tempu barak ona no ohin mak ha’u foin kompleta ha’u nia direitu nu’udar sidadaun Timor hafoin tempu barak ha’u iha Timor”,afirma  nia.

Nia subliña, nia parte hanesan sidadaun Portugal ne’ebé mai iha Timor iha tinan 1974, no iha tempu Independensia asume mós kargu hanesan, Eis Vise Ministra Negosiu Estranjeiru no Kooperasaun (MNEK). Fel

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker