GMN TV Sosiedade Hakotu impase polítiku, OFRTL: Povu buka maun bo’ot Xanana

Hakotu impase polítiku, OFRTL: Povu buka maun bo’ot Xanana

0 views

Organizasaun Fitun Rezisténsia Timor-Leste (OFRTL), deklara, impase polítiku iha rai-laran ne’ebé seidauk rezolvidu to’o agora presiza envolve líder rezistensia Kay Rala Xanana Gusmão atu bele hetan solusaun, tanba povu buka.

Iha espanduk organizasaun Fitun nian hakerek: “Povu Buka Maun Bo’ot Kay Rala Xanana Gusmão”. Iha mos surat-tahan mutin sira ne’ebé labarik sira kaer hakerek mos katak, “Avo Xanana mak bele fó solusaun ba impase ne’e; Ami buka Avo Nana; povu buka maun bo’ot”.

Sekretáriu Jeral, OFRTL, António Ximenes Guterres, haree katak, líder partidu polítiku sira agora tenke ba hamutuk ho maun Xanana mak bele rezolve, sira labele la’o mesak.

“Organizasaun Fitun ezije sira hotu ba hamutuk ho maun Xanana para fó solusaun ba problema, ida ne’e mak ami ezije. Maun Xanana mak lidera prosesu luta ba libertasaun, FRETILIN hatama iha maun Xanana nia pasta. Maun Xanana hodi prosesu ne’e mai to’o hetan nia auto determinasaun ”,dehan António Ximenes Guterres ba jornalista sira iha Aldeia Golgota, Suku Comoro, Postu Administrativo Dom Aleixo Munisípiu Díli, Sábadu (15/2/2020).

Sekretáriu Jerál organizasaun Fitun Rezisténsia Timor Leste, António Ximenes Guterres, hateten, impase polítiku ne’ebé akontese iha rai-laran ne’ebé laiha rohan hamosu preokupasaun oi-oin husi povu no entidade oioin ne’ebé fó sira prespetiva ne’ebé dezvaloriza tiha timor leste nia futuru.

António hateten, situasaun ne’e afeta tebes ba povu kiik sira nia moris tanba roda ekonomia la la’o no povu la tiha esperansa ba sira nian moris prosperu iha futuru tanba laiha investidór internasionál maka hakarak atu mai investe osan iha rai laran

Alende ne’e António Tomas Aitahan Matak, hatete, atu solusiona impase polítiku iha rai-laran ne’e tenke envolve mos líder rezistensia Kay Rala Xananan Gusmão.

“Ulun sira presiza halo reflesaun ba nia-an hodi hadia-an atu bele rezolve impase ne’e. Mas Sem Xanana la rezolve. Nia manan, Nia líder ida, so nia mak bele rezolve impase ida ne’e”, dehan Aitahan Matak.

Atu solusiona impase politiku ne’ebé la’o ona kuaze tinan tolu Prezidente Repúblika Francisco Guterres Lú Olo halo ona ronda diálogu ho partidu polítiku sira ne’ebé asentu iha parlamentu lider nasionál sira sosiedade sivíl no mós veteranus individu balun hodi rona opiniaun antes prezidente repúblika foti desizaun hodi solusiona impase polítiku ne’ebé Timor-Leste enfrenta.GMN


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker