GMN TV Sosiedade MJ ho TR falta konsiderasaun ba Xanana, Jorge Alves: Veteranu TL sei halo marsa iha Díli

MJ ho TR falta konsiderasaun ba Xanana, Jorge Alves: Veteranu TL sei halo marsa iha Díli

0 views

Sekretáriadu Task Force Veteranu Kombatente Libertasaun Nasionál (VKLN) Asuntu Interese Nasionál, (STF-VKLN), deklara,  Ministru Justisa, Manuel Cárceres no Prezidente Tribunal Rekursu, Deolindo dos Santos, laiha konsiderasaun ba líder máximu Komandante en Xefe FALINTIL atual Xefe Negosiadór Prinsipal Fronteira Marítima no Terrestre, Kay Rala Xanana Gusmão, relasiona ho nia karta hodi fó rai iha Kaikoli, Phoenix Fuel eis Gedung DPR Díli nian ba vetaranu sira utiliza.

Sekretáriadu Task Force Veteranu Kombatente Libertasaun Nasionál Asuntu Interese Nasionál, ((STF-VKLN), mos hatete, kuandu MJ ho Tribunal Rekursu la fó Camp Phoenix ne’e ba veteranu maka veteranu sira iha Timor-Leste tomak sei mobiliza malu atu marsa iha Díli laran.

“Se Ministériu Justisa ho Tribunal Rekursu la fó, ami sei halo marsa. Ami sei la fó (rai ne’e)”,dehan Sekretáriu Jeral Task Force VKLN, Jorge Alves.

Sekretáriadu Task Force Veteranu Kombatente Libertasaun Nasionál Asuntu Interese Nasionál ho laran susar tebes tanba laiha resposta husi karta ne’ebé Kay Rala Xanana Gusmão haruka ba Ministru Justisa ne’e.

Sekretáriadu Task Force Veteranu Kombatente Libertasaun Nasionál Asuntu Interese Nasionál, husu Ministériu Públiku (MP) atu hapara provizóriu konstrusaun ba edifisiu foun Tribunál Distritál Díli (TDD), tanba rai ne’ebé atu haríi edifisiu TDD iha Camp Phoenix eis DPR Kaikoli, atu harií edifisiu Ministériu Asuntu Veteranu (MAV).

Ministru Justisa (MJ) Manuel Cárceres no Prezidente Tribunál Rekursus (PTR), Deolindo dos Santos, laiha konsiderasaun ba líder masimu Komandante en Xefe Falintil Atual Xefe Negosiadór Fronteira Maritima, Kay Rala Xanana Gusmão, nia karta ne’ebé haruka ba MJ konaba rai iha Camp Phoenix Kaikoli, atu harii edifisiu MAV.

“Ami sente triste, tanba laiha resposta hosi MJ no PTR ba karta ne’ebé, Komandante Xefe das Falintil, Kay Rala Xanana Gusmão, haruka ba MJ”, dehan  Sekretáriu Jeral Task Force VKLN, Jorge Alves, liu husi konferensia imprensa, Kinta (13/02/2020) iha Kaikoli, Díli.

Jorge Alves informa, rai ne’ebé atu harii edifisiu  MAV, antes ne’e hetan ona resposta pozitiva hosi eis Primeiru Ministru VII governu  Marí Alkatiri, liu hosi despaisu  eis Ministra Justisa Ângela Carrascalão.

“Ami sente membru VIII governu liu hosi Ministériu Justisa no Tribunál Rekursu, laiha konsiderasaun ba karta ne’ebé líder rezistensia, Xanana Gusmão, haruka iha loron 6 fulan setembru tinan 2019, tanba iha fulan Novembru tinan 2019 MJ loke fali konkursu ka tenderizasaun ba projeitu TDD”afirma Jorge Alves.

Nia dehan, rai iha Camp Phoenix eis DPR Kaikoli, anunsio ona iha loron 20 fulan Setembru tinan 2019 iha Palasio do Governu, katak rai refere atu hari’i edifisiu MAV, no iha mos sasin no testemuña ba anunsio refere mak, Prezidente Repúblika, Prezidente Parlamentu Nasionál, Primeiru Ministru,Prezidente Tribunál Rekursu, Ministru DefezaVeteranus Australia, Ministru Veteranus Nova Zelandia inklui seluk tan.

“Ami husu ba Prokuradór Jerál Repúblika (PJR), atu halo investigasaun klean no justa bazea ba karta ne’ebé líder masimu Rezistensia haruka ba, tanba to’o oras ne’e laiha respostas ba rai Campu Phoenix Kaikoli,  nune’e ami husu MP atu hapara provizóriu konstrusaun ba edifisiu  foun TDD”.Fel


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]ntv.tl
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker