GMN TV Sosiedade MTK hapara traballadór na’in 23

MTK hapara traballadór na’in 23

0 views

Ministru Transporte no Komunikasaun (MTK), José Agostinho da Silva hateten, razaun sira hapara traballadór na’in 23 ne’e, tanba kontratu remata ona no MTK nia kapasidade finanseira la premite ona atu extende traballdór sira-nia kontratu.

“Ohin ami atu partilla imformasaun ba deputadu sira kona-bá ita-nia funsionáriu kontratadu sira ne’ebé mak ministériu la konsege extende sira-nia kontratu, razaun la extende funsionáriu nia kontratu ne’e, tanba iha razaun fundamentu hanesan ita kuandu extende, ita tenke hatene termu estatutu funsionáriu kontratadu sira-ni’a kontratu remata ona, la’ós ministériu maka hapara, kuandu kontratu  ne’e  remata, atu extende ou la’e tenke prosede ba avaliasaun dezempeñu, rezultadu avaliasaun funsionáriu kontratadu ne’e oinsa, valór di’ak  ou la’e no nesesidade servisu iha diresaun ne’ebé durante sira presta servisu ba ne’e sei presiza sira-nia prezensa ou la’e”, MTK ne’e hato’o hodi responde preokupasaun deputadu Parlamentu Nasional (PN) kona-bá destinu traballadór 23 ne’e iha PN hafoin halo audensia ho komisaun  E PN, Kinta (06-02-2020).

Governante ne’e akresenta, sé nesesidade Diresaun ne’ebé sira servisu ba ne’e la presiza ona sira nia prezensa, maske rezultadu avaliasaun di’ak, maibé tenke komprende sentidu husi kontratadu, razaun la extende haree mos kapasidade finanseira durante ne’e no haree mós situasuan atual iha rai-laran la’o ho Dotasaun Orsamentu Temporaríu (DOT) la responde ona.

“Ita-nia ajente kontratadu sira, ita esforsu la’ós ema ida nia preokupasaun, maibé ita hotu nia preokupasaun oinsa buka solusaun, iha problema iha solusaun hodi armoniza situasaun ida ne’e”, tenik José.

Maibé reprezentante povu iha uma fukun PN, liu-liu Prezidente komisaun E ne’ebé trata asuntu infra-estrutura iha PN, Abel Pires, lamenta tebes ho desizaun MTK hapara traballadór na’in 23, tanba ne’e liga ba traballadór 23 ne’e nia nesesidade loro-loron.

“Hapara funsionáriu kontratadu MTK 23 balun tanba haree ba avaliasaun dezempeñu balun sei iha prosesu avaliasaun, maibé tékniku demais importante mak iha informasaun ona simu  husi Ministru rasik, balun   tanba servisu iha espesífiku tuir kontratu, tanba kontratu ba termu  sertu  nian  informasaun ne’ebé ami halibur no husu Ministru atu haree didi’ak fali sira nia kondisaun no haree ba posibilidade ko’alia kona-bá servisu ne’e, tanba ne’e kona-bá ema-nia ahi matan”, afirma Abel.

Funsionáriu 23 ne’e, ninia kontratu remata iha loron 31, fulan Dezembru, tinan 2019 no hato’o keixa ba PN iha loron 28, fulan Janeiru ne’e.

Antes ne’e, deputadu bankada FRETILIN, David Diaz Ximenes “Mandati” ne’ebé nu’udar porta-voz ba traballdór sira, husi trablladór refere iha mós traballadór balun ne’ebé servisu nu’udár kontratadu Estadu ni’an, kuaze tinan 13, maibé hapara sira-nia servisu la aprezenta razaun ka rezultadu avaliasaun. ety

 


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker