GMN TV Sosiedade SEAV konvida PR partisipa selebrasaun loron nasionál veteranu

SEAV konvida PR partisipa selebrasaun loron nasionál veteranu

0 views

Sekretáriu Estadu Asuntu Veteranu (SEAV), Gil da Costa Monteiro “Oan Soru” hamutuk ho Prezidente Komisaun Organizadora ba preparasaun selebrasaun loron nasionál veteranus, konvida Prezidente Repúblika atu partisipa selebrasaun loron nasionál veteranus iha loron 3 marsu tinan 2020 ne’e.

“Ami hakarak hasoru malu ho PR, hodi hetan mós hanoin balun hosi Xefe Estadu,ba selebrasaun loron nasionál veteranus,ne’ebé sei iha loron 3 fulan Marsu tinan 2020, Ami fó informasaun ida ne’e ba Prezidente e em prinsipiu Xefe Estadu fó hatete ona katak, Prezidente sei partisipa iha serimonia ne’e tanba ida ne’e serimonia nasionál veteranus”, hateten SEAV, Gil da Costa Monteiro “Oan Soru”, ba Jornalista sira, Tersa (18/02/2020) iha Palásiu Prezidente Bairo-Pite Díli.

Oan Soru afirma, tema importante ba selebrasaun loron nasionál veteranus mak “haré ba memoria tinan 1974 to’o 1999 hodi relembra ita nia pasadu, reafirma ita nia prezente no projeta ita nia futuru”.

“Tanba se ita la relembra ita nia pasadu, ohin ita la hatene ita iha ne’ebé no la hatene ita atu ba iha ne’ebé. Ami nia tema ne’e hahú kobre  hosi tinan  1974 to’o 1999, tanba iha tinan 1999 Timor-Leste kuaze ahi-han hotu”,haklean governante ne’e.

Iha biban ne’e ne’e hateten, sorumutu SEAV ho komisaun organizadora ne’e husu mós opiniaun ba Xefe Estadu konaba preparasaun no bainaka sira ne’ebe mak sei konvida hodi partisipa iha eventu ne’e.

“Iha sorumutu ne’e, PR fó rekomendasaun lubun ida ne’ebé presiza hadia, hanesan iha selebrasaun ne’e partisipante se deit no mai hosi ne’ebé”,afirma Oan Soru.

SEAV haktuir katak, ba selebrasaun ne’e sei hala’o atividade hahú iha loron 1 to’o loron 3 Marsu hodi selebra loron importante refere.

“Serimonia sei hahu iha loron 1 to’o 3 fulan Marsu tinan 2020, partisipante ne’ebé sei partisipa iha loron importante ne’e, tuir planu kada Munisípiu ida sei iha veteranu 20 mak mai partisipa”,tenik Oan Soru. Fel


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker