GMN TV Sosiedade Veteranu Manufahi hakarak Atantes Isaac mak sai Administradór

Veteranu Manufahi hakarak Atantes Isaac mak sai Administradór

0 views

Veteranu Munisípiu Manufahi, Vidal de Jesus Riak Leman, hatete, Konsellu Veteranu Autoridade Lokal no povu iha Munisípiu Manufahi, husu governu liu hosi Ministériu Administrasaun Estatal (MAE) atu tau Adjuntu Administradór, Arantes Isaac, ba Administradór foun Manufahi, hodi troka Administradór matebian.

“Adjuntu Administradór ne’ebé agora iha, assume ona kna’ar hanesan Adjuntu Administradór durante tinan 10 resin, tanba ne’e ami hosi Manufahi tomak hakarak, Adjunu refere mak atu sai Administradór foun ”, dehan Veteranu Vidal de Jesus Riak Leman, ba JN-Diáriu Sabado (22/02/2020) iha Komoro Díli.

Nia haktuir, veteranu, xefe suku no povu Manufahi, hakarak Adjuntu sai Administradór foun tanba hare ba esperensia kbi’it no kapasidade servisu, ne’ebé durante ne’e Adjuntu ne’e iha.

 “Durante nia mandatu, nia iha atividade barak ne’ebé lao, iha koordenasaun diak ho veteranu no komponente hotu iha Manufahi, ho razaun hirak ne’e mak povu Manufahi hakarak Adjuntu Administradór Arantes Isaac, mak kontinua ba Administradór”, afirma Vidal de Jesus.

Riak Leman subliña, veteranu no autoridade sira hosi Manufahi haruka ona karta rekomendasaun ba Komisaun Funsaun Públika (KFP) no MAE, no MAE mós haruka ona ekipa ida ba Manufahi atu rona direita hanoin ruma hosi veteranu no povu Manufahi.Durante sorumutu intelektual sira hosi Manufahi rekomenda katak, sira hakarak Arantes Isaac mak kontinua ba Administradór.

 “Ha’u atu dehan deit katak, situasaun ida ne’e hanesan dezafiu ida ba Administradór foun ne’ebé atu ba troka Administradór sesante matebian, tanba iha prinsipiu ida katak, bainhira atu delega ema ruma ba  assume kargu hanesan Administradór Xefe Suku no Xefe Aldeia, tenke iha aseitasaun ema hotu, tenke iha kapasidade atu konduz atividade Munisípiu nian no la hare ba kor partidu, ida ne’e mak povu Manufahi hein”.

Atuál Prezidente Konsellu Nasionál Veteranu, informa, ho aprezentasaun projetu rezulusaun governu hosi MAE ba Konselhu Ministru (KM) no hetan ona aprovasaun hosi KM konaba nomeasaun, Filomena da Costa Nunes, hanesan Administradora Munisípiu Manufahi, halo veteranu no autoridade lokal sira la konkorda ho desizaun ne’e.

 “Governu presiza haree hodi foti desizaun katak, atu troka Administradór foun mak diak ou atu kontinua mantein Adjuntu Administradór mak ba Administradór, tanba se governu delega Administradora foun maibé povu ladun fiar no lakohi rona, ida ne’e sei kria problema iha futuru no governu mak sei ulun moras”.

Nia dehan, povu Manufahi hein hela dezenvolvimentu, la hein ba polítiku no la hein ba kor partidu, tanba iha Manufahi barak mak seidauk asesu ba estrada bee mos no eletrisidade, tanba ne’e kompetensia governu nian atu delega sei deit mak atu sai Administradór maibé governu mós tenke tetu diak.Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker