GMN TV Sosiedade FDHC lansa programa APPDRH iha Liquiça

FDHC lansa programa APPDRH iha Liquiça

0 views

Sekretariu Ezekutivu Fundu Dezenvolvimentu Kapital Humano (FDCH)  Isménio Martins da Silva, Sesta feira (9/3) ne’e,  realiza Programa Área Potensialidade no Prioridades ba Dezenvolvimentu Rekursu Humanu (PPDRH) no mós halo lansamentu programa konsultasaun área potensialidades no prioridades iha munisípiu Liquiça.

“FDCH nia servisu ida maka atu bele kordena planu implementasaun ou ezekusaun ba orsamentu fundus kapital humanu iha ámbitu ba dezenvolvimentu rekursu humanu iha rai laran, servisu ne’ebé durante ami halo ne’ebé finansia ba área formasaun profissionál ne’ebé servisu hamutuk ho Sekretáriu Estadu Joventude Trabalho, e reforsa ita nia kapasidade, abilidade no mós kualifikasaun ita nia funsionáriu públiku nian, ao mesmo tempo fó mós bolsu estuda ba maluk timor oan no funsináriu sira,” Isménio Martins da Silva iha Liquiça.

Nia dehan, objetivu seluk FDHC fila mai Munisípiu ne’e, atu lansa programa ne’ebé bolu konstituisaun ba fali atu identifika prioridade, alénde aprezenta dadus ne’ebé FDHC iha, la’os ida ne’e deit maibé rona mós opiniaun, nune’e saida maka FDHC bele halo iha futuru.

“Sé hetan ona dadus ami sei aprezenta ba iha Konsellu Ministru ba nai ulun sira liu-liu Primeiru Ministru hodi haree fali wainhira Governu bele halo fali nia polítika ba oin tanba Governu sempre halo nia polítika bazeia ba evidénsia katak ho dadus bele ajuda liu tan hodi dezenvolve rekursu humanu ba oin,” dehan nia.

Iha fatin hanesan Sekretariu Administrador Munisípiu Liquiça Reinato Moniz Arão hatete programa ne’e importante tanba bele hatene klean konaba poténsia rekursu humanu hira maka presiza ba área sira ne’ebé potensiál iha munisípiu Liquiça.

“Ha’u hanoin semináriu ne’ebé ohin halo ne’e atu identifika katak poténsia rekursu humanu hira maka ita presiza ezekuta prosesu ida ne’e, tanba ne’e maka ami hanoin importante tebes levantamentu dadus ne’ebé FDHC foti ona, maibé seidauk to’o tanba ne’e maka sei rona tan hanoin balun husi ami, nune’e bele hatene ami nia preokupasaun ba futuru ne’e saida maka presiza para bele elabora didi’ak, para aban bainrua ita bele forma ema hodi responde ba nesesidade Munisípiu nian,” dehan Reinato Moniz Arão.

Nia dehan tan, munisípiu Liquiça iha poténsia ba peskad, turísmu, agrikultura maibé rekursu humanu maka seidauk sufisiente, tanba ne’e ba oin presiza rekursu humanu ba área potensiál hirak ne’e, nune’e mós presiza kapasitasaun no formasaun formal no non formal.nes


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker