GMN TV Sosiedade Garante paz no estabilidade iha EA, Lú Olo promove diálogu ho autoridade lokal

Garante paz no estabilidade iha EA, Lú Olo promove diálogu ho autoridade lokal

0 views

FOTO:GMNTV

Atu garante paz no establidade durante prosesu Eleisaun Antesipada (EA), Prezidente Repúblika (PR), Francisco Guterres ‘Lú Olo’, iha Sesta (23/3) hala’o diálogu liu husi telekonferensia ho Autoridade Lokal (AL) munisípiu Bobonaro, Ermera no Liquiça, husi Palasiu Prezidensial bairu Pite Dili ba salaun fundasaun Dioseze Maliana.

“Diálogu ne’e ita hala’o nuudar kompromisu ha’u nian rasik, katak PR sei promove diálogu entre instituisaun ho orgaun Estadu hanesan Governu, Parlamentu Nasional ho ha’u rasik, sei promove mós diálogu ho komunidade no autoridade sira hotu, hanesan ita boot sira iha munisípiu, postu administrativu no iha suku, PR hodi hakat tuir de’it ninia kompromisu ida ne’ebé nia husik hela ba povu tomak,” PR Lú Olo liu husi telekonferensia husi Palasiu Prezidente liga ba autoridade lokal sira iha salaun fundasaun Dioseze Maliana, postu administrativu Maliana, munisípiu Bobonaro, Sesta (23-03-2018).

PR Lú Olo hato’o parabens ba autoridade husi munisípiu, postu administrativu, tanba lori sira nia kapasidade matenek hamutuk ho povu iha munisípiu tolu (3) ne’e hakat liu ona eleisaun rua (2) iha tinan 2017, eleisaun ida ne’ebé la’o ho hakmatek, paz no iha estabilidade nia laran.

“Tanba ida ne’e maka ohin (23/3) ho haksolok tebes ha’u hasoru ho lider ParPol sira ne’ebé PR hamutuk ho ita boot sira iha fatin ida ne’e, nune’e mós autoridade munisípiu ho postu administrativu to’o iha konfiksaun relizioja sira hotu, veteranus no organizasaun sosiedade sivil ne’ebé maka hola fatin hamutuk ho ita boot sira iha fatin ida ne’e, hodi ita bele koalia no rona malu,” hateten PR, Francisco Guterres.

Nia mos fo agradesimentu ba AL munisípiu sira kumpri duni sira nia misaun, tanba hotu-hotu hatene katak valor boot liu ba rai Timor maka demokrasia no demokrasia maka garante paz no estabilidade.

PR Lú Olo husu mós ba AL husi munisípiu tolu (3) ne’e atu konsiensializa komunidade partisipa iha EA, 12 Maiu, tinan ida ne’e, tanba taxa partisipasaun eleitores iha eleisaun tinan 2017 la máximu, tuir dadus kuaje eleitores rihun atus resin maka la tuir eleisaun.

“Ha’u fiar mós ba ita boot sira nia kapasidade, matenek ne’ebé ita boot sira iha hodi bele hamutuk ho ita nia povu atu hato’o nafatin lia menon ka apelu ba ita nia povu hodi bele garante paz no estabilidade, atu respeita malu nafatin liu husi diferensia ne’ebé de’it, tanba ita hotu fahe malu ParPol ketak-ketak, maibé ita hotu Timoroan no ita hotu uma kain ida de’it, ne’ebé labele fahe ita,” haktuir PR.

Entretantu tuir reprezentante munisípiu tolu (3), Prezidente Autoridade Munisipal Bobonaro, Zeferino Soares, promete, autoridade munisípiu tolu (3) prontu koopera ho STAE no CNE iha EA.

Orador prinsipal ba telekonferensia ne’e maka PR Lú Olo, hamutuk ho Prezidente Interinu CNE, Diretor Jeral STAE no partisipante sira hanesan reprezentante AL, veteranus, lider partidu polítiku no sosiedade sivil husi munisipiu Bobonaro, Ermera no Liquica. Tema husi telekonferensia maka hanesan “Promove diálogu hodi garante paz no estabilidade iha prosesu eleisaun antesipada”. Ves

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker