GMN TV Sosiedade JSU konvida Gabinete FM fahe informasaun ba universitáriu

JSU konvida Gabinete FM fahe informasaun ba universitáriu

0 views

Universidade João Saldaña (JSU-sigla iha lian Ingles) konvida ekipa gabinete Fronteira Marítima (FM) hodi partilha no esplika iha semináriu mensal JSU nian, hodi fo koñesimentu no lalaok prosesu FM ba universitáriu sira.  

Fundador JSU, João Mariano Saldanha, esplika, semináriu ne’e nu’udar atividade mensal ne’ebé universidade ne’e halo, ho tema ne’ebé diferente, no relevante ho asuntu interesse estadu nian, inklui ba fulan ne’e ho tema FM.

“Ida ne’e hanesan semináriuiu rutina, konaba tópiku sira ne’ebé importante no debate iha públiku, tanba ne’e mak iha semináriuiu ba periode ida ne’e ami tenta konvida ema hirak ne’ebé involve direta no ema sira ne’ebé hola desizaun iha Governu Parlamentu no ajente Governu nian,”relata fundador JSU João Saldaña ba jornalista sira, hafoin loke sesaun dahuluk ba semináriuiu ne’e iha Bekora Kamea Dili, Kuarta(28/03/2018).

João Saldanha hateten, iha semináriu ne’e, JSU konvida entidade relevante sira ne’ebé hatene mós konaba prosesu FM nian, inklui  observador sira husi Organisaun non governamental sira.

“Ohin loron konaba FM, tanba asuntu ne’e manas hela iha publiku, hodi nune’e estudante bele hatene klean isin husi porsesu FM ne’e, tanba estudante sira presija hatene, aban bainrua bele sai referensia ba sira nia estudu,”haktuir fundador JSU.

Alende ne’e, komunikadora no tradutora, Filomena Carvalho dos Reis, haktuir, iha semináriu ne’e, ekipa gabinete FM, lori matéria ne’ebé espesífika liu konaba prosesu FM ho Australia, hahú husi inisiu to’o hetan nia rezultadu, inklui futuru FM ho Indonesia.

“ Ami hetan konvite husi JSU ne’e, hodi mai fahe informasaun oituan konaba delimitasaun FM, liu-liu konaba prosesu konsiliasaun obrigatoriu nian, no rezultadu área marítima ho Australia iha tasi Timor,”dehan Filomena.

Filomena Carvalho relata, antes ekipa gabinete FM mós fo ona esplikasaun ba Organização Não Governamental balun, inklui Universidade Nasionál Timor-Lorosa’e.

Nia informa, ekipa gabinete FM mós iha planu hakarak fo esplikasaun ba komunidade iha munisípiu hodi bele koñese klean konaba liña fronteira marítima entre Timor-Leste ho Australia.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker