GMN TV Sosiedade Kombate korupsaun, tenki aprova lei anti korupsaun

Kombate korupsaun, tenki aprova lei anti korupsaun

0 views

Primeiru Ministru Mari Alkatiri, hateten, atu kombate korrupsaun iha rai laran, tenki aprova lei anti korrupsaun ne’ebé oras ne’e dadaun iha parlamentu.

Tuir nia, wainhira lei anti korrupsaun ne’e la aprova mak sei susar ba Komisaun Anti Korupsaun (KAK) no Ministériu Públiku (MP) halo investigasaun ba aktu korrupsaun ne’ebé ema komete.

Mari Alkatiri hato’o asuntu ne’e hafoin enkontru semanal ho Prezidenti Repúblika (PR) Francisco Guterres Lú Olo iha Palácio Prezidensial Nicolau Lobato, Tersa (6/3).

“Kombate korrupsaun, primeiru tenki aprova lei anti korrupsaun, ita kria tiha Komisaun Anti Korrupsaun, maibé lei ne’e toba hela iha gaveta iha parlamentu, ne’e sei susar tebes ba KAK no MP halo investigasaun ba korrupsaun. Tanba lei ne’e la aprova,”hateten PM ba jornalista sira.

Tuir relatorio Survey husi Transparánsia Internasional iha tinan 2017 ne’ebé foin publika iha loron 22 fulan Fevereiru tinan ida ne’e, index korrupsaun Timor Leste okupa ba númeru 38, entre nasaun sira iha ASEAN nian no tama iha ranking 91 entre nasaun 180 iha mundu tomak.

Iha relatóriu ne’e, Transparansia Internasional uza skala zero to’o atus ida, no nasaun ne’ebé hetan númeru boot liu mak tama ba kategoria livre husi korrupsaun.

Tuir relatóriu ne’e, index korrupsaun Timor Leste sei di’ak liu kompara ho Indonesia ne’ebé hetan númeru 37 iha entre Nasaun sira iha ASEAN.

Entretantu Nova Zelandia mak hetan númeru primeiru no sai nu’udar Nasaun ne’ebé livre husi korrupsaun no Somalia mak sai nu’udar nasaun ne’ebé koruptu aas liu iha mundu tomak.ías


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker