GMN TV Sosiedade Ohin komemora loron mundial feto, PPN kongratula Feto Timor-Leste

Ohin komemora loron mundial feto, PPN kongratula Feto Timor-Leste

0 views

Prezidente Parlamentu Nasionál (PPN) Arão Noe Amaral kongratula Feto Timór-Leste ne’ebé selebra loron mundial feto nian, ne’ebé monu iha loron  8 fulan Marsu, tanba Timór-Leste hola parte husi organizasuan mundial ONU nian.

“Loron feto nian, loron ida ne’ebé importante, komemorasaun loron mundial feto ne’e, la’os komemora iha Timor-Leste de’it, maibé iha mundu tomak komemora, tanba liu husi rezolusaun ONU nian ida mak funda organizasaun ne’e. Timor-Leste mós parte husi organizasaun ne’e, ita mós komemora”, afirma Arão Noe.

PPN ne’e esklarese, ho komemorasaun loron mundial feto ne’e, bele halo feto Timor-Leste átiva no vontade atu luta maka’as liutan hodi partisipa iha prosesu dezenvolvimentu, liu husi  hakbi’it an iha setór hotu-hotu.

“Hau hato’o parabens ba feto Timor-Leste, liu-liu sira ne’ebé partisipa iha komemorasaun ida ne’e, hein katak, ho komemorasaun ne’e, feto Timor-Leste mós bele partisipa aktiva di’ak liu tan iha polítika no dezenvolvimentu, atu nune’e bele mós tau igualdade jéneru ne’e bele iha ralidade”, katak Arão Noe.

Líder Segundu órgaun soberanu ne’e akresenta, dezenvolvimentu entre feto no mane iha Timor-Leste hahú la’o hanesan, maske sei iha difikuldade oituan, tanba kultura ne’ebé Timor-Leste adopta.

“Ba Timor ha’u fiar katak la’o hela, tanba agora Jornalista mós feto barak, ha’u fiar katak dezenvolvimentu entre feto no mane iha Timor laiha diferensa. Maske iha prátika oituan oituan iha kultura, maibé ho tempu sei lakon. Tanba ne’e feto sira tenki luta nafatin hodi halakon dezigualdade”, dehan Arão Noe.

Tuir Arão Noe katak, durante ne’e feto sira hasoru dezafiu barak, primeiru mak kultura, tanba Timor nia tradisaun rasik mak tau feto iha númeru 2, maske nune’e ida ne’e hanesan kestaun tempu de’it.

“Agora komesa mudansa maka’as ona, ita-nia kultura iha Timor iha parte balun feto valor aas liu fali mane, la’os tanba uza folin mak feto nia valor lakon ne’e la’e, kultura rasik mak termina tau klase mane iha direitu liu fali feto. Iha lei ba rai ita defini tiha ona bens no moveis, agora dadauk ne’e kaben na’in iha uma ida, nia ba rejistu rai ne’e ema nomea sira nian rua hotu fen ho laen, labele tau de’it laen nian. Ita komesa prátika ona iha lei rai, hodi asegura direitu hanesan, nune’e bainhira mane so’e tiha feto, rai ne’e mane nian feto laiha buat ida, tanba ne’e asegura direitu ne’e hanesan”,dehan Prezidente Parlamentu ne’e.say


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker