GMN TV Sosiedade Autoridade lokál sira la aseita Governu monta fatin Izolamentu COVID-19 iha Vera Cruz

Autoridade lokál sira la aseita Governu monta fatin Izolamentu COVID-19 iha Vera Cruz

Autoridade Lokál Postu Administrativu Vera Cruz,  la konkorda ho desizaun Vise Ministra Saúde, atu tau fatin izolamentu ba moras Corona Virus Disease 2019 (COVID-19) iha sentru Saúde Vera Cruz.

“Ami Autoridade Lokál Postu Administrativu Vera Cruz,  la konkorda ho desizaun Vise Ministra Saúde, atu tau fatin izolamentu ba moras COVID-19 iha sentru Saúde Vera Cruz, tanba bele fó mós impaktu ba komunidade sira nia-saúde, tanba ne’e di'ak liu tau fatin izolamentu ne’e ba iha fatin ne’ebé seguru, dook husi kapital Díli, nune’e parte pesoal saúde sira mak bele ba fatin izolamentu ba moras Corona virus ne’e”, hateten Administradór Postu Administrativu Vera Cruz, Octávio Viera Amarál ba GMN, liu husi komfrensia ba imprensia iha Mascarenas Díli Tersa (03/02).

Autoridade lokál Postu Administrativu Vera Cruz  mós, la aseita desizaun Vise Ministra  Saúde, Élia dos Reis Amarál atu muda sai pasiente sira iha sentru saúde Vera Cruz nian ba Hospitál Nasionál Guido Valadares.

“Ami Autoridade lokál Postu Administrativu Vera Cruz  mós  la konkorda atu  muda sai pasiente sira iha sentru saúde Vera Cruz nian ba Hospitál Nasionál Guido Valadares no estabelese fali fatin izolamentu ba moras Coronavirus iha sentru Saúde Vera Cruz, tanba populasaun sira iha área refere la kohi atu ba tratamentu saúde iha hospital guidu baladares tanba nia distansia dok.

Xefe Suku Kaikoli Hipólito Marques Sarmento, informa, antes ne’e parte Ministériu Saúde hakarak atu tau fatin izolamentu ba moras COVID-19 ne’e, iha Postu Administrativu Na’in Feto, maibé tanba autoridade sira, no populasaun sira, iha área refere la konkorda, tanba ne’e Vise Ministra Saúde eskolla fali sentru saúde Vera Cruz.

Postu Administrativo Vera Cruz iha Suku hitu, kompostu Suku Kaikoli, Colmera Dare, Lahane Ocidental, Mascarenhas, Motael, Vila-Verde ho total populasaun rihun  38.549.

Autoridade lokál Postu Administrativu Vera Cruz sira mós halo ona karta protesta ba Ministériu Saúde, Ministériu Administrasaun Estatál no Munisípiu Díli, inklui mós ba Postu Administrativu sira seluk hodi fó atensaun.aba 


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker