GMN TV Sosiedade COVID-19 mak aumenta, PM Taur: Sei iha nesesáriu ba Timor-oan izola aan

COVID-19 mak aumenta, PM Taur: Sei iha nesesáriu ba Timor-oan izola aan

0 views

Primeiru Ministru (PM), Taur Matan Ruak, deklara, bainhira Corona Virus Disease (COVID-19) kontinua aumenta, sei iha nesesáriu ba Timor-oan sei taka-an ka izola-an husi moras a’at ne’e.

“Dadaun ne’e ita interdita  país sira ne’ebé  naran liu husi semana rua aumenta tan ba semana haat, kuandu sira tama iha ita-nia rai, sira  tenke asegura, tenki iha atestadu médiku laiha buat ida , ita haree  sira ne’ebé bo’ot liu númeru barak liu,  intensidade ne’e maka’as liu,  mas ita mós preparadu sei iha nesesáriu para ita taka ita-nia aan, ita tenke ita sei halo ida ne’e,  ida ne’e mos ha’u infroma ba Prezidente Repúblika,  karik situasaun obriga para taka ou izola ita nia aan ita halo,  mas agora seidauk”, dehan Xefi Governu Taur Matan Ruak ba  Jornalista sira Kinta (12/03/2020) iha Palásiu Prezidensial Nicolau Lobato Bairo Píte, Díli.

Taur subliña, Prezidente Repúblika, Francisco Guterres Lú Olo, aseita, tanba ne’e iha tempu badak Xefe Casa Sivíl sei konvida Ministra da Saúde, ekipa téknika halo aprezentasaun ida, hodi fó ideia jeral ida ba Prezidente Repúblika, nune’e Xefi Estadu bele fó mensajen ba povu kona ba virus ne’e.

Xefe Governu akresenta, Komisaun Interministerial ne’ebé lidera husi Ministra Saúde em exersísiu, ne’ebé halo parte husi Ministériu lubuk ida hanesan, Estatal, Ministériu Finanas, MNEK, Defeza no Interior no mós ekipa teknika ida tan.

“Komisaun Interminesterial, halo hela prepatativus balun, iha fatin tolu hanesan ida mak Formoza, fatin ne’ebé halo triazen nian, depois iha Vera Cruz fatin ba kuidadu intensivus, em kazu  númeru ne’e aumenta ita ba Tibar, ami mós haree hela alternativa balun para prepara tan karik nezesariu bele hakbiit ita-nia aan, bele responde ba situasaun ida ne’e”, hatutan Xefi Governu.oly   


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker