Iha loron 8 fulan Marsu tinan ida ne’e, mundu tomak selebra loron internasional, inklui Timor-Leste, tamba ne’e espoza Prezidente Repúblika(PR), Cidalia Nobre Guterres husu ba sosiedade hotu, atu luta nafatin ba igualidade feto.
“Parabens ba feto sira iha mundu, espesialmente feto Timor-Leste, mai ita hotu luta nafatin ba igualidade labarik feto nian, joven feto, maibé dala ida tan ha’u sempre hatete, labele nega mos labarik mane sira atu nune’e labarik sira bele livre husi abuzu oi-oin, atu nune’e sira bele esplora sira nia, koñesimentu no kapasidade ba futuru ida ne’ebé diak”, hateten, espoza Prezidente Repúblika, Cidalia Nobre Guterres, iha Hotel Timor, Sesta (06/03/2020).
Cidalia esplika, selebra loron internasional feto, ho nia tema mundial, ema hotu hanesan, iha selebrasaun ne’e, sei selebra mós ho susessu ne’ebé mak feto iha mundu tomak hala’o ona, iha area sosial, ekonomia, kultura no politika.
Inan ba nasaun ne’e afirma, loron ne’e sei marka ema hotu nia komitmentu, no asaun hodi aselera, promosaun igualidade, liu husi kontinua haforsa redi servisu, osteprotikus no dikriminasaun iha sosiedade, atu nune’e bele atinji transformasaun jeneru iha TL.
“Iha mundu tomak selebra loron internasional feto, ne’e signifika katak loron internasional feto ne’e la’os grupo ida nian deit, loron ne’e ba ema hotu nian, nune’e servisu ba halo mudansa ba moris diak feto no labarik, ne’e nu’udar esforsu mundial” subliña, Espoza PR Cidalia.Cin
