GMN TV Sosiedade Evita kazu infantisídiu, Fundasaun Alola realiza semináriu nasionál

Evita kazu infantisídiu, Fundasaun Alola realiza semináriu nasionál

0 views

Atu prevene kazu infantisídiu iha Timor-Leste (TL), Fundasaun Alola realiza semináriu nasionál, hodi dezimina informasaun atu proteje hahalok ka aktu so’e bebe iha rai laran.

Diretóra Fundasaun Alola, Maria Imaculada Guteres hateten, objetivu husi seminariu ne’e, atu asegura igualidade no hasa’e koeñesimentu feto ni’an liu-liu kona-ba kazu infantisídiu, inklui atu hametin kooperasaun serbisu entre sosiedade sívil ho Governu.

Maria Imaculada realsa liutan, ba oin sei serbisu hamutuk ho parte relevante sira hodi kontinua fahe informasaun ba kada eskola, nune’e bele habelar liu tan informasaun hirak ne’e, nune’e labele akontese tan aktu so’e bebe inklui grávida sedu.

“Asaun prevensaun ba kazu infantisídiu objetivu ida husi seminariu nasionál ida ne’e atu hasa’e komunidade feto no juventude feto nia koeñesimentu kona-ba kazu so’e bebe ne’ebé akontese iha ita nia rai laran bebeik ona”, dehan, Diretóra Fundasaun Alola, Maria Imaculada Guteres, ba Jornalista sira hafoin remata semináriu nasionál, iha salaun CNE Laline Larigutu, Kinta (12/03/2020).

Iha fatin hanesan mos, Jerente Programa Advokasia Fundasaun Alola, Maria Evelina Iman informa, grupu traballu advovasia dadaun ne’e tau ona rede referensia atu fó konsellu ba feto maluk sira atu bele koalia sai, bainhira la konkorda aktu ruma.

“Ami iha membru grupu traballu advokasia ida ne’e ami mós estabelese ona rede referál atu oinsa fó konsellu ba kolega feto sira atu labele tauk koalia sai, saida mak sira senti autor ka suspeitu atu nune’e rua, rua ne’e ita bele hamutuk oinsa atu fó konsellu ba sira”, hateten, Jerente Programa Advokasia Fundasaun Alola, Maria Evelina Iman.

Tuir dadus ne’ebé mak durante ne’e, sosiedade sívil liu-liu fundasaun alola rejista ona, kazu númeru so’e bebe husi tinan 2017 to’o agora hamutuk 15, husi númeru ne’e barak liu husi Munísipiu Díli inklui mós munisípiu sia.

Seminariu nasionál ne’e, hetan apoiu orsamentu husi Weid no Sekretaria Estadu Igualidade no inkluzivu (SEII) inklui USAID, ho montante liu rihun USD 1000.Ina


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker