GMN TV Sosiedade Falta materiál protesaun COVID-19, SEPS suspende provizóriu apoiu emerjénsia ba vítima inundasaun

Falta materiál protesaun COVID-19, SEPS suspende provizóriu apoiu emerjénsia ba vítima inundasaun

0 views

Sekretaria Estadu Protesaun Sivíl (SEPS), suspende provizóriu apoiu emerjénsia ba vítima inundasaun iha Suku 3, hanesan Suku Bekora, Kaikoli no Maskariñas, tanba laiha materiál protesaun COVID-19, ba ekipa ne’ebé tun ba terenu hodi fahe sasan ba vítima sira.

“Ami suspende provizóriu apoiu emerjénsia ba vitima inundasaun, tanba ita hasoru hela situasaun 2 hanesan inundasaun no covid-19, ho ida ne’e ohin, ha’u suspende servisu fahe sasan hodi hein material protesaun hosi Ministériu Saúde(MS)”, dehan SEPS, Alexandrino de Araujo, ba Jornalista sira Kinta (25/03/2020) liu hosi komferensia imprensa iha Kaikoli Díli.

Sekretária Estadu, ne’e husu ba vítima inundasaun iha Suku 3 Bekora, Kaikoli no Maskariñas, atu pasiensia no komprende tanba sei suspende iha loron balun nian laran, hodi hein material protesaun covid-19 ba ekipa sira, hafoin bele kontinua fahe sasan ba vítima sira.

“ Ida ne’e laos imi la hetan ona apoiu, maibé ami sei fó apoiu tanba dadus kompletu ona. Governu iha komitmentu hodi apoiu nafatin ba vítima sira tuir politika governu nian, ne’ebé trasa ona”afirma Alexandrino de Araujo.

Governante haktuir, ekipa ne’ebé tun ba fahe sasan ba vítima inundasaun kuaje rihun 3, ne’ebé kompostu hosi, Protesaun Sívil, Cruz Vermelha Timor-Leste, Mercy Corps, Ajensia sira inklui individu hotu ne’ebé fó apoiu, entaun ekipa hirak ne’e presiza materiál protesaun ba sira nia vida no sei akompañia mós situasaun covid-19 iha Timor, númeru aumenta ou lae hafoin bele kontinua fahe sasan.

“Agora konaba apoiu rekoperasaun ba vitima sira, ne’ebé hetan ona apoiu emerjénsia, ami kontinua tau iha planu no haruka ona proposta ba governu liu hosi, Primeiru Ministru (PM) Taur Matan Ruak, nia orientasaun hato’o ona ba finansas nasionál ho montante orsamentu por volta rihun 4”salienta Sekretariu Estadu.

Nia akresenta, apoiu rekoperasaun ne’e sei hare fali-fali dadus foun hodi hare vitima ida, ne’ebé nia uma mak grave liu no ida ne’ebé mak la grave, alende ne’e sei koopera mós ho Ministériu Administrasaun Estatal (MAE) hodi hare fali dadus komunidae afetadu ba dezastre, balun hela fatin la permanente ezemplu, iha dadus sira hela iha Suku ida maibé sira hela fali iha fatin seluk.

Enkuantu, tuir dadus vítima inundasaun, ne’ebé regista iha Sekretária Estadu Protesaun Sivil, família  hamutuk rihun 4.792, ema rihun 31.207, no hosi númeru ne’ebé iha, iha família  2.675 mak hetan ona apoiu emerjénsia no rihun 2.117 mak seidauk hetan apoiu hosi SEPS. Fel


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker