GMN TV Sosiedade Fasilita servisu munisipál, Governu lansa website ba munisípiu hotu

Fasilita servisu munisipál, Governu lansa website ba munisípiu hotu

0 views

Governu liu husi Ministériu Administrasaun Estatal, halo lansamentu  Website  ba Munisípiu hotu, inklui Rejiaun Administrativa Espesial Oe-cusse Ambeno,  hodi fasilita monitorizasaun prosesu dezenvolvimentu iha nível munisipál to’o suku.

Vise Ministru Administrasaun Estatal Abilio José Caetano, hateten, ho  lansamentu Website ne’e bele loke dalan atu lori programa governu nian hakbesik ba komunidade iha área rural.

“Governu kria portal Website ba Munisípiu 12, inklui Rejiaun Administrativa Espesial Oe-cusse Ambeno ne’e,  bazeia ba dekretu lei ne’ebé aprova husi Konselhu Ministru, atu fó biban ba Prezidente Autoridade Munisipal sira hodi partila informasaun ba atividade tomak ne’ebé hala’o iha nível Munisípiu sira. Tanba ne’e ho lansamentu Website ne’e, bele fó imformasaun kona bá progresu servisu iha Munisípiu sira ba nasionál”, hateten Abilio José Caetano ba GMN iha Timor Plaza, Díli, Sesta (06/03).

Liu husi estabelesimentu website ne’e,  bele loke dalan atu lori programa governu nian ba besik komunidade sira ne’ebe hela iha área remotas, nune’e komunidade sira mós bele sente dezenvolvimentu municipal, liu husi atividade sira hotu.

Xefe Kooperasaun Uniaun Europeia, Simon Legrand, informa, programa ne’e integra mós iha apoiu finansiamentu, ne’ebé Uniaun Europeia asina ona ho governu Timor-Leste, liu husi Ministériu Adminitrasaun Estatal,  ho montante orsamentu tokon 16.

   “Iha semana kotuk ita assina ona um novo programa de apoiu orsamental iha área ida ne’e. Maior parte husi apoiu hirak ne’e husi finansiamentu ida ne’e destinadu diretamente ba orsamentu de Estadu Timor-Leste nian,  euro  millaun 11,25 enkuantu euro tokon  6,25 sei uza ba medida komplementar  implementadas husi PNUD”, katak Simon.

Prezidente Autoridade Munisípiu Baucau, António Guterres konsidera  lansamentu Website  ba Munisipal ne’e di'ak tebes, atu oinsa bele partila imformasaun kona bá progresu servisu Munisipal ba Nasional.

Iha seremonia lansamentu ne’e, entrega mós komputadór ba Prezidente no Administradór Autoridade Munisípiu nain 6.

Partisipa iha seremonia lansamentu Website ne’e mak hanesan, Eis-Ministro Administrasaun Estatal Tomas Cabral  Diretur  Jeral no Diretur Nasionál Prezidente Autoridade Munisípiu no Administrador Munisípiu sira.aba


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker