GMN TV Sosiedade Governu sei fó subsídiu ahi no bee moos ba komunidade durante Estadu Emerjénsia

Governu sei fó subsídiu ahi no bee moos ba komunidade durante Estadu Emerjénsia

Governu liu husi Ministériu Obras Públikas (MOP), sei implementa subsídiu kona bá ahi eletrisidade no bee moos ba kliente sira iha Timor-laran tomak.

Ministru Obras Publikas, Salvador Eugenio Pires, hatete, Governu sei fó subsídiu eletrisidade no bee moos ba kliente sira iha Timor-laran tomak, atu kliente sira uza gratuita durante implementasaun Estadu Emerjénsia.

“Subsídiu ne’e sei implementa iha tempu badak, tanba governu fó ona kompetensia ba Ministériu Obras Públikas, tuir dekretu lei artigu 26, ne’ebé aprova iha reuniaun Konsellu Ministru Sábadu semana kotuk, hodi fó dalan ba Ministériu Obras Publikas atu implementa sistema ne’e durante Estadu Emerjénsia. Objetivu husi implementasaun subsídiu ne’e atu redus movimentu kliente sira iha fatin públiku sira atu nune’e bele prevene COVID-19, ne’e duni iha tempu badak sei implementa subsídiu ne’e”, hateten Salvador Eujenio Pires ba GMN, hafoin dirize enkontru ho Diretur departamentu sira iha Kaikoli Díli Segunda ( 30/03 ).

Governante ne’e informa, subsídiu ne’e aplika mós ba kliente sira bee moos nian durante implementasaun Estadu Emerjénsia.

“Subsídiu ida ne’e aplika mos ba kliente sira bee moos nian durante implementasaun estadu Emerjénsia, maibé ba komunidade ne’ebé seidauk hetan bee moos, ami nia ekipa tekniku SAS sira sei rezolve atu oinsa komunidade iha Kapital Díli hotu bele asesu bee moos”,informa Salvador.

Governu mós tau ona tanki bee iha fatin públiku sira, hodi fasilita komunidade atu fase liman.

Entretantu kliente ba bee moos iha Kapital Díli hamutuk rihun sanulu resin hat, kliente ba eletresidade Munisípiu Dili hamutuk rihun hitu nolu resin, no total kliente iha teritoriu Timor laran tomak hamutuk rihun 17O. aba

 


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker