GMN TV Sosiedade Governu uza hotel novu horizonte sai fatin karantina COVID-19

Governu uza hotel novu horizonte sai fatin karantina COVID-19

0 views

Governu liu husi Ministériu Saúde(MS), uza hotel novu horizonte iha meti-aut sai fatin karantina ba sidadaun Timor-oan sira ne’ebé fila husi estranjeiru deskonfia infetadu husi Corona Virus Disease 2019 (COVID-19).

Tuir, Xefe Suku Meti-aut Julião Xavier hateten, relasiona ho hotel refere sai fatin karantina ba sidadaun sira ne’ebé mak fila husi estranjeiru, maibé antes ne’e Governu li-liu ministériu saúde seida’uk halo kordenasaun ho parte autoridade iha parte refere.

Tanba ne’e, Xefe Suku konsidera, ministériu saúde provoka situasaun, tanba laiha liña kordenasaun ho autoridade lokal sira iha área refere inklui komunidade sira, molok tau sidadaun Timor- oan sira ne’ebé mak fila husi estranjeiru.

“Ministériu saúde seidauk fó koñesimentu, maibé ita haree ministériu saúde la kulpa, labele fó sala ba governu labele fó sala ba ministériu saúde, tanba izolamentu ne’e la’os moras corona mak tama mai iha ne’e, izolamentu imi hatene ne’e deskonfia tanba husi rai Indonézia ne’eba mak deskonfia dehan katak sira ne’e iha moras ne’e mak tau iha ne’e too loron 14, loron 14 hotu mak sira ba sira nia família, saúde tenke fó koñesimentu ba ema para ami bele fó hatene ba komunidade ne’e hanesan saúde mak provoka situasaun”, dehan, Xefe Suku Meti Out, Julião Xavier ba Jornalista sira iha Meti-Out, Domingu (22/03/2020).

Iha fatin hanesan, Xefe Juventude Meti-aut, António Pereira esplika komunidade iha área refere sente pániku, tanba antes ne’e laiha kordenasaun entre autoridade ho ministériu saúde.

“Ami nia komunidade no mós joven sira sente pániku tanba derepente deit, ita nia kolega sira ne’ebé ke estranjeiru iha indonézia sira atu mai karantina iha ne’e komunidade pániku tanba derepente de’it mosu, tanba ida ne’e moras ida ke ita hotu hatene espalla iha mundu tomak, ne’ebé derepente mosu iha meti out komunidade no joven sira pániku”,dehan, Xefe Juventude Meti-aut.

Nune’e mos, Komandante Munisipiu Dili, Armando da Costa Monteiro, esplika, parte seguransa sei serbisu hamutuk ho autoridade lokál sira hodi asegura sidadaun hirak ne’ebé mak dadaun ne’e izola án iha fatin karantina ne’e.

“Papel seguransa oinsa hamutuk ho autoridade lokal ho ita nia komunidade ita bele tau matan ba ita nia oan, ita nia alin, ita nia maun, ita nia aman, ita nia tiu no tia sira ne’ebé mak ohin loron nasaun sira seluk halo look done no konsekuensia sira fila fali mai ita nia nasaun, ne’e ita nia família ita labele rejeita”, hateten, Armando da Costa Monteiro.

Tuir observasaun Jornalista GMN iha terenu nota, komunidade sira no juventude sira iha área refere lá konkorda ho dezisaun ministériu saúde ni’an hodi uza fatin refere sai fatin karantina ba coronavírus, no juvetude iha fatin refere halo asaun no tuda hasoru sidadaun hirak ne’e, maibé polísia mantein asegura situasaun.Ina


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker