GMN TV Sosiedade Mari: FRETILIN rekoñese saudozu Rangel nia kontribuisaun ba TL

Mari: FRETILIN rekoñese saudozu Rangel nia kontribuisaun ba TL

0 views

Sekretariu Jerál partidu FRETILIN, Marí Alkatiri, hatete, FRETILIN rekoñese saudozu Afonso da Costa Rangel ho naran kodiku Tatamou, nu’udar lutadór tanba, didika nia-an ba libertasaun nasionál.

“Hakruk ba memoria kamarada Afonso Rangel nian, fó omanajen dala ikus iha uma lulik ne’e nia laran, quer dizer omanajen ne’ebé ki’ik maibe bo’ot tebes tanba mai hot-hotu hatene katak, kamarada Afonso Rangel kamarada ida ne’ebé lutadór, patriota, nasionalista, veteranu husik ita, nia isin bele ba halo’ot iha jardim de herois, atu ninia memoria bele buras ba nafatin mai ita hotu”,hatete, Mari Alkatiri iha Comite Central da FRETILIN, Comoro, Díli, Kinta (5/3/2020).

Iha fatin hanesan, reprezentante família João da Costa Rangel, lori família nia naran, hato’o agradesimentu bo’ot ba CCF, tanba  rekoñese saudozu Afonso Rangel nia kontribuisaun ba FRETILIN.

 “Nu’udar reprezentante familia ho laran luak,ho respeitu tomak,hakarak hato’o dala ida tan,ba kamarada prezidente da FRETELIN no sekretariadu jerál, ho estrutura tomak ne’ebé fó ona tempu no fatin ida ne’e hodi presta homanajen ikus ona, atu rekoñese deit Matebian Afonso da Costa Rangel (Tatamou) ninia kontribuisaun ba partidu FRETELIN,ninia metalidade ba luta libertasaun nasionál ne’e auto momentu ka momentu istoriku ikus ona, iha biban ida ne’e hakarak mós hato’o agradesimentu wain tebes ba direjente,militantes CCF nia tomak, ne’ebé durante nia isin mate sei iha uma marka prezensa kamarada buibere,maubere sira hodi hato’o sentidu kondelensia no mós apoiu moral material ba ami familia liu-liu ba feto faluk no oan kiak sira”, dehan, João da Costa.

Saudozu Tatamou, hakotu iis iha loron (28/02/2020) iha Hospital Nasionál Guido Valadares, tanba sofre moras komplikadu.

Saudozu Afonso Tatamou, moris iha Suku Bibileo, Munisípiu Viqueque, iha loron 30 - Abril-1935.

Saudozu Tatamou iha oan na’in 7, maibé nain 2 mate iha ai-laran, no ida seluk mate iha tinan 2015, no dadauk ne’e hela nain 4, feto 2 no mane 2.

Saudozo Afonso Tatamou, hetan medalla Ordem de Timor-Leste iha loron 28 fulan Novembru tinan 2016, husi eis Prezidente Repúblika, Taur Matan Ruak, tanbá sai nu’udar sidadaun ne’ebé subar gerileiru Komandante em Xefe Falintil, Kay Rala Xanana Gusmão, iha tempu okupasaun Indonezia ho tipu abrigu subteraneu.

Saudozu Afonso Rangel da Costa durante ne’e,nu’udar Prezidente Orgaun 8, iha Asosiasaun Kombatente Libertasaun Nasionál.

Iha Outubru tinan 2019, matebian saudozu Afonsu Tatamou halo ona tratamentu iha Hospital Singapura ,durante semana 2, tanba saudozu sofre moras komplikadu, hahú husi ran midar,infeksaun iha intestinu, stomagu no moras seluk tan.

Iha loron lima fulan ne’e, família lori mate isin saudozu Totomou ba  halot iha semiteiru Jardim dos Herois Metinaro.Jen


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker