GMN TV Sosiedade Michael Stone : Istória TL úniku iha Mundu

Michael Stone : Istória TL úniku iha Mundu

0 views

Reprezentante Delegasaun Veteranus husi Austrália, Michael Stone hateten, ístoria ne’ebé mak iha, hanesan ai-abut ida, ne’ebé mak klean no forte, maske, udan no anin bo’ot maibé, sei hamrik metin nafatin, tamba ne’e ístoria Timor-Leste (TL) úniku no forte iha Mundu.

“Ha’u hanoin ita nia istoria hanesan abut, se ita hanesan ai se abut ne’e klan no forti, maske anin bo’ot no udan maibé ita mós sei forti, istoria Timor-Leste úniku no forte los iha mundu tomak, ha’u labele kompara ha’u nia rai, tamba istoria la hanesan, lori ha’u nia kolega nia naran ne’ebé marka prezensa iha ne’e, ho ondra hato’o agradese tamba bele hetan oportunidade partisipa iha loron espesial no lulik ida ne’e” afirma Reprezentante Delegasaun Veteranus husi Austrália, Michael Stone, iha Centro Convensoens de Dili-(CCD), (03/03/2020).

Michael Stone akresenta liutan katak, sira mai hanesan viziñu di’ak, mai hanesan belun di’ak, Maun-Alin, Camarada no Estudante, tamba mai iha ne’e hakraik aan ba terus no valores bo’ot oi-oin ne’ebé, veteranus ne’ebé sei moris, balun mate ona, no sira ne’ebé terus ema hotu ne’ebé kontribui iha tempu rejistensia, atu bele mai hamutuk iha liberdade nia laran.

Michael hatutan, iha maluk veteranus balun haree veteranus husi Austrália iha buat barak, iha kareta, televizaun no sasan oioin, maibé lakon dalan, bele moris ho isin di’ak, maibé lakon dalan, lakon rajaun, tamba duvidas ho beleun veteranus ba;un iha ne’ebé, no iha missaun saida, bele servi família no povu ka lae, ida ne’e mak sai problema ida ne’ebé mak veteranus sira hasoru.

“Infelismente ha’u nia kolega na’in rua foin dadauk oho aan, tamba dalan laiha, tamba ne’e grupu sira ne’ebé mai husi Austrália sira mai hanesan ema ida, maibé sai hanesan ema seluk, ne’e tamba ita boot sira nia valores, ami aprende laos husi livru, maibé aprende husi lao rai iha Timor-Leste” salienta, Michael.

Nia subliña, Veteranus husi Austrália halo lista kona-ba Timor-Leste nia funu fatin, no lao ho luta nain sira iha fatin-fatin, rona Timor-Leste nia istoria ne’ebé iha, disiplina, ondra, dignidade, humilidade, rejistensia, perdua rekonsiliasaun no buat barak ne’ebé Timor halo ona.

“Hau laiha mestre no ema seluk ne’ebé fo lisaun di’ak ba ha’u, duke ita bo’ot sira, tamba ne’e hau agradese tebes, hau koalia buat ne’e, tamba tempu ida ne’e importante tebes, aprende husi ita nia pasadu hodi fó homenajen, ba martires no terus ne’ebé iha tempu pasadu, maibé uza forsa no valores bo’ot ne’e hodi mai hamutuk, hateke ba oin oinsa mak bele servi, família povu no nasaun no mundu ho valores hirak ne’e, hakuak bo’ot ba maluk Timor-oan hotu”, hateten, Michael Stone.

Iha fatin hanesan, Sekretariu Estadu Asuntu Kombatente Libertasaun Nasionál, Gil da Costa “Oan Soru” hateten, veteranus ne’ebé mate nia esperitu sei rona hela saida mak ohin veteranus sira kolia, saida mak horseik halo no saida mak aban bain rua sei halo.

“Ha’u nia hakruk ba aman veteranus sira hotu ne’ebé sai terseira idade hotu, maibé ohin sira nia prezente sai ondra bo’ot ba oan ha’u, espesial liu ba jerasaun foun sira, ha’u haraka hato’o haksolok no domin ba alin sira ne’ebé kiak, no ba inan sira ne’ebé faluk, Ita presiza agradese tamba hetan esperensia iha fatin ruma, hodi bele sai referensia atu ita bele implementa iha rai ida ne’e, bainhira ita la agradese ba saida mak ita hetan, ita sei haluhan ita nia aan ita loron ikus”, afirma ‘Oan Soru’.Cin


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker