GMN TV Sosiedade Mota sobu komunidade nia uma iha Maneleuana, Xanana tun diretamente orienta ADN rezolve

Mota sobu komunidade nia uma iha Maneleuana, Xanana tun diretamente orienta ADN rezolve

0 views

Uma populasaun hamutuk nen nulu resin rua, iha Suku Manleuana, hetan estragus husi udan bo’ot ne’ebe akontese iha Sábadu (28/3/2020), kompostu husi Aldeia Ramelau, no Laulora Suku Manleuana Postu- Adminitrativu Don Aleixo Munisípiu Díli, relasiona ho situasaun ne’e líder Karismátiku Kay-Rala Xanana Gusmão,  akompaña hosi Ajensia Dezenvolvimentu Nasional (ADN) hamutuk ho téniku sira iha Domingo (29/3/2020), tun diretamente ba terrenu hodi haree mota refere no kondisaun uma kamunidade nian ne’ebe mota sobu.

Inundasaun iha suku refere la’os foin primeira vez maibé tinan tinan akontese bei-beik tanba mota ne’ebé mak iha suku ne’e laiha barajen. Ho situasaun ne’e Autoridade lokál no komunidade hato’o bei-beik ona ba Governu maibé la hetan resposta to’o ohin loron,

Ho ida ne’e autoridade Lokál no Komunidade husu ba Governu atu halo barajen emerjésia hodi bele satan netik mota iha área refere nune’e bainhira udan boot bee labele sobu sira nia hela fatin.

“Akontesimentu ne’e bebeik ona, triste tebes,  ne’ebé maun Xanana mai ne’e para haree. Ami husu mak brojon, ami husu Governu atu haree”,dehan komunidade João Oliveira ba GMN, Domingo (29/3/2020).

Relasiona ho situasaun ne’e líder Karismátiku Kay-Rala Xanana Gusmão,  orienta ADN haree mota refere no kondisaun uma kamunidade nian ne’ebe mota sobu atu responde situasaun ne’e.

“Haruka ADN para bele oinsa (Hatete ba kompañia) tau kedas bronjong”dehan lider karizmátiku, Xanana Gusmão.

Diretur Jerál Samuel Marçal promete iha tempu badak sei tau gabiaun iha mota refere nune’e udan mai labele afeta tan komunidade nia uma.

“Ita hasoru situasaun rua mak susar hotu hanesan virus corona no mos inundasaun. Ne’ebé mota tun mai estraga populasaun nia uma. Ne’e mak Avo Nana bolu ami ADN mai haree kedas ba buat sira ne’ebé mak ita fó solusaun lalais”,dehan Diretor Jeral ADN, Samuel Marçal.

Durante iha vizita ne’e. Líder karismátiku hamutuk ho komunidade hala’o limpeza hodi hamos foer, rega tahu sira ne’ebé mak iha komunidade nia uma.

Total populasaun iha Suku Manleuana hamutuk atus ida kompostu husi Aldeia Ramelau 200 no Laulora 150.aba


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker