GMN TV Sosiedade MS aproxima autoridade suku Tibar kona-bá fatin karantina COVID-19

MS aproxima autoridade suku Tibar kona-bá fatin karantina COVID-19

0 views

Ministériu Saúde (MS) halo aproximasaun ho Autoridade, Administradór no komunidade iha Suku Tibar, konaba utilizasaun fatin karantina ba moras Corona Virus Disease 2019 (COVID-19)  iha Suku Tibar.

“Relasiona ho situasaun semana hirak liu ba hodi afeta komunidade Tibar, MS rekoñese katak, seidauk halo aproximasaun ho komunidade Suku Tibar, kona-bá deside Suku Tibar sai fatin karantina ba moras covid-19”, dehan Diretora Jeral Prestasaun Saúde MS, Odete Viegas, ba Jornalista sira Tersa (18/03/2020) iha Tibar Munisípiu Liquiça.

Diretora Jeral MS haktuir, depois komunidade sira halo asaun protesta, MS haruka kedas ekipa promosaun saúde ba iha suku Tibar, hodi koordena ho autoridade iha suku refere atu fahe informasaun ba komunidade sira konaba, utilizasaun fatin karantina iha Tibar.

 “Ohin ami halo tan aproximasaun ho autoridade lokal administradór Liquiça no komunidade sira hodi esplika ba sira konaba, karantina lao fatin ne’ebé tau ema afeitadu ba moras covid-19 maibé karantina hanesan fatin ida, atu tau ema ne’ebé halo viazem hosi Nasaun sira afeitadu ba covid-19 atu izola-an durante loron 14 no sei la fó impaktu ba komunidade sira”.

Nia dehan, papel MS mak atu asegura no halo prevensaun ba populasaun hosi moras COVID-19 karik moras refere tama mai Timor. Molok COVID-19 tama mai Timor saida mak ita presiza prepara.

“Ami halo medidas prevensaun hodi tau professional saúde sira iha Aeroportu, Portu Díli, Fronteira Maliana, Suai, Mota-ain no Oe-Cusse. Ami halo ona medidas prevensaun maibé ami mós presiza fatin izolamentu atu izola pasajeiru sira”.

Xefe Suku Tibar, Bento da Conceição, hatete presiza tur hamutuk entre Ministériu Saúde ho komunidade nune’e bele iha solusaun ba fatin karantina iha suku Tibar, tanba antes ne’e MS mai laiha informasaun no fó esplikasaun ruma, hodi halo komunidade sira paníku dehan MS lori moras covid-19 mai tau iha suku Tibar.

“Hafoin rona esplika hosi MS, ami komprende ona katak, fatin karatina sei la lori moras ba komunidade, maibé atu izola ema ne’ebé halo viajem hosi Nasaun sira afeitadu ba moras COVID-19, nunee bele prevene atu moras ne’e hadaet ba ema seluk”.

Tanba ne’e hanesan Autoridade, koordena ona ho komunidade sira atu kontribui ba planu governu, hodi tau fatin karatina suku Tibar tanba ida ne’e diak mós ba ema hodi hotu hodi preven-an hosi moras COVID-19.

Nune’e mós, komunidade Francisco Pereira, afirma bainhira governu iha planu atu uza fatin Tibar ba fatin karantina, governu tenke kria kondisaun uluk nune’e labele fó impaktu fali ba komunidade sira hela besik ne’e.

“Mai hau la interven ho planu governu nian karik ne’e diak ba ema hotu, maibé presiza esplikasaun ne’ebé klaru mai ami komunidade konaba, fatin karantina ne’e uza ba saida no karik moras e’e daet ga lae ba komunidades sira hela besik, nune’e ami komunidade bele komprende hodi labele paníku”.

Maibé depois rona esplikasaun hosi sira MS, ami foin komprende no ami prontu kontribui ba planu governu hodi tau fatin karantina iha suku Tibar.Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker