GMN TV Sosiedade Pertamina internasionál fó apoia umanitária ba vítima inundasaun

Pertamina internasionál fó apoia umanitária ba vítima inundasaun

0 views

Pertamina Internasionál Timor-Leste, fó apoiu umanitária ba vítima inundasaun relasiona ho udan bo’ot ne’ebé akontese iha Sesta (13/03/2020) hamosu inundasaun iha díli laran hodi rezulta estraga komunidade sira nia hela fatin, sasan, uma, inklui mós ema balun lakon vida.

Hafoin akotesimentu ne’e governu liu sekretaria estadu protesaun sívil, fó ona apoiu umanitariu, ba vítima afetadu sira husi inundasaun sesta semana kotuk.

Nune’e iha, Tersa(17/03/2020), Pertamina Intenasionál mos fó apoia ba vítima inundasaun sira, iha intervista, Diretór Pitsa Pertamina Internasional Timor-Leste, Beny Harto Wijaya hateten, apoiu umanitariu ba vítima afetadu sira, tanba serbisu hamutuk ho Governu liu husi Sekretario Estadu Protesaun Sívil no Sekretaria Estadu Meiu Ambiente.

“Ha’u reprezentanta permanina internasional Timor-Leste no familia tomak ami simpatia ba kolega no familia sira ne’ebé afeita husi inundasaun espera bele rezolve no ami hamutuk ho embaixada Indonezia hamutuk ho sekretariu estadu protesaun sivil ami servisu hamutuk pertamina hanesan komersiu fo kontribuisaun no fo atensaun ba komunidade sira ne’ebé afeitadu husi inundasaun”, haktuir, Diretór Pitsa Pertamina Internasional Timor-Leste, Beny Harto Wijaya, ba jornalista sira iha edifísiu Sekretaria Estadu Protesaun Sivíl, Caikoli, Tersa (17/03/2020).

Iha fatin hanesan mos, Embaixadór Repúblika Indonézia iha Timor-Leste, Sahat Sitorus fó solidariedade ba vítima afetadu sira, no iha esperansa katak sei la akontese tan inundasaun iha futuru.

“Populasaun Indonezia iha Timor-Leste fo solidareidade ba vítima inundasaun  sofrementu  ida ne’e ita responsabiliza hamutuk ami sente afeita husi inundasaun ita laiha  esperansa  impaktu  kontinua maibé ida ne’e hanesan hahan nesesidade baziku, ho ajuda umanitariu  ida ne’e labele  haree ba númeru  no presu, maibé haree ba lokefuan husi KBRI komunidade indonezia”, hateten, Embaixadór Repúblika Indonézia iha Timor-Leste, Sahat Sitorus.

Nune’e mos, Sekretáriu Estadu Protesaun sívil (SEPS), Alexandrinho Xavier Araujo, agradese ba embaixadór Repúblika Indonezia iha Timor-Leste inklui Pertamina Internasionál ne’ebé serbisu hamutuk ho sekretaria estadu protesaun sívil hodi oferese apoiu umanitáriu ba vítima afetadu sira.

Enkuantu dadus atual ne’ebé mak dadaun ne’e, parte Protesaun Sivil Rejista ona Xefe Uma Kain hamutuk rihun 1.703 inklui pesoal hamutuk 10.600 alende ne’e sira kontinua rekolla dadus iha terenu.

“Distribuisaun la’o hela foti dadus mós kontinua hela, hakarak agradese embaixadór Indonezia iha TL no ita nia kolega sira husi kompañia pitsa ne’ebé mak koopera ho sekretaria estadu meiu ambiente, tanba ne’e apoiu emerjensia ita la’o hela no foti dadus mós la’o hela”, nia dehan.

Enkuantu, Diretór Jeral Protesaun Sívil, Isamael Babo hateten, sira nia parte organiza ona ekipa atu tun ba terenu hodi fahe sasan hirak ne’ebé mak atu fó apoiu ba vítima sira.

 “Ami komesa organiza ona para halo apoiu emerjensia ba ita nia komunidade sira suku sira ne’ebé dadus kompletu ona, iha ejizensia lubuk ida sira presija be’e presija hahan ne’e mak ami halo serbisu ida ne’e no ekipa balun seida’uk termina kontinua sira determina ona ami kontinua komesa halo distribuisaun apoiu emerjensia ba sira”, haktuir, Ismail Babo.

Tuir dadus ne’ebé mak iha, ohin fó apoiu ba vítima inundasaun husi, suku Santa Cruz hamutuk uma kain 456, Lahane Ocidental hamutuk 22 no Bidau Santa-Ana

maibé parte Audian, Bairo Pite, Caikoli, no Kuluhun seida’uk bele fó apoiu tanba dadus seidauk kompletu.

Antes ne’e, mós fó ona apoiu ba komunidade sira iha Suku Hera hamutuk uma kain 99, suku Santa Kruz hamutuk uma kain 23, inklui parte Kamea.

Atividade apoiu emerjensia ne’e serbisu hamutuk ho kompañia Gota, Protesaun Sívil, Cruz Vermella Timor-Leste (CVTL), Pertamina Internasionál no seluk-seluk tan.Ina


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker