GMN TV Sosiedade PM hato’o solidariedade ba populasaun kapital Díli

PM hato’o solidariedade ba populasaun kapital Díli

0 views

Primeiru Ministru (PM), Taur Matan Ruak, halo observasaun ba ponti My Friend, ponti Bekusi no ponti Maufelu (Becora), hodi haree direita situasaun ponti ne’e nian.

Alende ne’e, Xefi Governu ne’e mós lamenta ho situasaun komunidade nian, tamba ne’e buka dalan oinsa, projeitu emergênsia ruma reforsa kompañia privadu sira, bele regulariza lalais mota hirak ne’e.

“Ha’u lamenta lós estraga ita nia komunidade barak sira nia uma, segundu ha’u manifesta ha’u nia solidariedade ba populasaun sira tomak, liu-liu kondolensia ba sira ne’ebé familia mate, ha’u ho ministru obras publika haree hela, dadaun ne’e iha ekipamentu pejadu deit, ha’u hanoin ekipamentu pezado deit, ha’u hanoin lá aguenta, tamba ita nia reseu ita lá rezolve lalais, problema bele pior liu bainhira udan, tamba ne’e mai haree buka dalan oinsa, projeitu emergênsia ruma reforsa kompañia privadu sira, para bele regulariza lalais mota Sira” afirma, Primeiru Ministru, Taur Matan Ruak, bainhira halo observasaun iha ponti Maufelu, Segunda (16/03/2020).

Governante ne’ esplika, primeiru lugar, ekipamentu pezado ne’e MOP sei halo intervensaun hodi regulariza lai no segundu ba oin rekuperasaun.

“Ita iha servisu rua, ida fiziku no ida lae asistênsia ba populasaun sira, asistênsia emergência halo ona, ba oin presiza halo oinsa,” hateten Taur.

Governo ohin (horseik-red), deside para traballador Sira iha estadu nian, aban no nain rua sira bele folga, rezolve sira nian, tamba kuaze fundionariu barak mak atinjidu, entaun iha Díli ne’e, ami fo loron rua tolerânsia de ponto, para balun bele ajuda komunidade sira, balun bele haree sira nia fatin hodi hamos, limpeza sira nia fatin hirak nee.

“Ita tenki haree katak normalmente situasaun hanesan ne’e, komunidade sira hanoin Governo mak la rezolve, bainhira koalia kona-ba autoridade hahu husi xefi aldeia, ita hahu husi liurai sira, administrador sira, postu, munisipiu ba to’o governo sentral, klaru ke governo ita iha atendimentu iha fatin rua, ida husi MOP nian regulariza dadaun emergênsia, ida seluk husi MSS, MÃE no Protesaun Sivil, tau matan ba komunidade sira”, subliña Taur.

Xefi Governu ne’e aprofunda liutan, husi fali sorin ita prepara, halo rekoperasaun, no Governo haree hela oinsa mak bele rekoperasaun lalais, situasaun ida ne’e tantu aspektu fiziku no non fiziku.

“MAE iha orientasaun apela komunidade sira, no autoridade lokal sira, para solidariedade ne’e makas, labele hein deit situasaun emerjensia hanesan ne’e, sira tenki ajuda malu, liu-liu hahu husi aldeia laran, depois ba suku, postu no munisipiu, se ita haree hanesan ne’e, entaun servisu kaman no lasi, se ita hanoin, hein Ministru Obras Publika tun, Primeiru Ministru tun, ou Maun Xanana tun, entaun ne’e todan,” afirma, Taur Matan Ruak.Cin


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker