GMN TV Sosiedade PM Taur: Dalaruma COVID-19 kona ona TL ■Laiha planu evakua Timor-oan husi rai-liur

PM Taur: Dalaruma COVID-19 kona ona TL ■Laiha planu evakua Timor-oan husi rai-liur

0 views

Primeiru Ministru, Taur Matan Ruak, hatete, dalaruma Timor-Leste mos iha ona ema ne’ebé mak kona moras-aat Corona Virus Disease (COVID-19), ne’ebé populasaun sira tenke kuidadu-an.

PM Taur deskonfia ne’e tanba ema tama-sai Timor-Leste ne’e lor-loron, no mos Timor-oan sira ba servisu iha Korea do Sul dalaruma mai Timor ba liu uma.

Kona-ba ekipamentu teste corona virus, xefe governu ne’e hatete, ekipa hirak ne’e la’ós tau de’it iha fronteira. PM espera, Timor-Leste iha ekipamentu ba halo teste COVID-19 ne’e.

“Dala ruma, bele kona ona Timor-Leste. Hanesan Timor-oan sira ne’ebé foin fila husi Korea. Balun mai ba loos de’it uma. Keta nia lori corona ne’e mai karik? Foin lalais, tuir PM Taur, bainhira Prezidenti Brazil ho ninia delegasaun ba hasoru Prezidente (Donald) Trump, fila ba Brazil delegasaun na’in sanulu resin mak kona Corona.  Ne’ebé, agora ne’e dalaruma iha ne’e ona. Ita tenke preparadu psikolojikamente no  moralmente tenke preparadu,” hatete Primeiru Ministru, Taur Matan Ruak, Kinta (19/03/2020) iha Palásiu Prezidensiál Nicolao Lobato, Bairru Píte, Díli.

PM Taur hatete, Governu laiha planu atu evakua Timor-oan sira, iha nasaun seluk inklui Indonézia.

PM Taur fiar, nasaun seluk ne’ebé Timor-oan iha ba, iha sistema di’ak hodi proteje sira nia sidadaun, inklui Timor-oan sira husi corona virus.

“Uluk, kuandu mosu iha Xina, ita nia reasaun ne’e halo saida? Evakua sira, tanba ita hanoin dehan la tuir mai xoke tuir Europa nian evakua. Fatin hotu-hotu evakua. Amerika no Australia. Entaun, dadaun ne’e iha Korea do Sul ita la evakua ema, iha Australia, ho Indonézia ita la evakua ema a não ser que extreme necessidade. Ita lahatene, mas ita la evakua,”tenik PM Taur.

Taur fó ezemplu sidadaun husi país seluk iha Timor. Nasaun hirak ne’e, apela ba sira nia sidadaun, hakarak fila sei fila ba sira nia rai. Se sira hakarak iha Timor mós, la obriga. Tanba ne’e, tuir PM, sidadaun estranjeiru hirak ne’e, balun sei hela iha Timor.

“Agora, ita ba lalin hotu mai, ha’u la hatene iha ne’ebá iha ona. Ha’u hanoin konfia sira nia sistema iha ne’ebá. Tanba, ita laiha planu para lalin sira hotu mai,” Taur salienta.Oly  

 


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker