GMN TV Sosiedade PM Taur: Komunidade labele hein deit Estadu

PM Taur: Komunidade labele hein deit Estadu

0 views

Primeiru Ministru (PM), Taur Matan Ruak, akompaña husi Sekretariu Estadu Protesaun Sivil (SEPS), Alexandrino Araújo, fó apoia umanitária ba komunidade vítima dezastre naturál iha suku Santa Cruz.

Xefi Suku Santa Cruz, Marciano Juvinal hatete, Situasaun ida ne’e lori tristeza mai komunidade iha suku santa Cruz, agradese ba SEPS tamba depois de akontese inundasaun, SEPS tamba preokupa tebes komunidade sira nia situasaun.

“Hanesan lideransa komunitaria ajuda emerjensia ne’ebé oferese husi governu, ami konsidera importante, ami mós husu atu ajuda kontinua ba oin, atu bele rekopera fali komunidade balun nia uma ne’ebé hetan estragus, tamba komunidade barak mak la hela iha sira nia uma, ami mós husu atu governu kria fundu rekooperasaun maske la fó kompletu maibe bele hakaman komunidade sira, atu nune’e sira bele hala’o fali aktividade hanesan baibain” hateten, Marciano.

Hatan ba preokupasaun ne’e, Xefi governu Taur Matan Ruak, lori governu nia naran, manifesta ami nia solidariedade, ba inan-aman sira ne’ebé foin dadauk afeitadu husi dezastra naturais.

“Ita hotu la espera katak buat ida ne’e atu akontese, dezastra naturais akontese iha fatin-fatin infelismente ita la espera bele akontese iha ne’e, foin dadauk udan boot ne’e, akontese iha suku santa kruz, bidau, no fatin balun iha kapital Díli, familia 2000 resin mak afeitadu”, hateten, PM Taur Matan Ruak, iha suku Santa Cruz, Tersa (17/03/2020).

Xefi Governu ne’e hatutan katak, Governu tuir buat ne’ebé bele halo dadaun, nia parte halo ona ekontru ona ho KAFI, atu tau matan lalais ba mota, estrada be’e mós, no eletrisidade ne’ebé aat, karik udan mai bele evita, atu labele akontese tan dezastre ida ne’e akontese tamba ai taka netik iha ponti sira nia oks bee la liu tamba ne’e hamosu inundasaun.

“Aban Konsellu Ministru reuniaun para haree, oinsa mak ita bele reforsa makas liu halo limpeza iha Díli Laran, ha’u fó orientasuan ba SEPS atu haruka kareta bombeirus iha foho tun mai hotu díli, atu bele komesa rega tahu, hadia bele fatin ne’ebé bele hadia”,dehan, Taur.

Xefe Governu ne’e aprofunda liutan, Ministru sira ne’ebé mak iha relasaun ho dezastra naturais nia parte mak lidera, hodi haree pasu saida mak ita fó tan, semana ida mai oin, la’os ituan maibe barak, pior liu tan iha tinan ida ne’e hanesan ita boot sira hatene, governu orsamentu laiha, tamba orsamentu sumba iha PN, servisu ho duodesimu, servisu ho osan ne’ebé naton kada fulan.

Taur esplika, Governu deside husu PN, atu hetan osan, la’os deit tau matan ba dezastre naturais liu-liu preapara aan ba moras Corona Virus, nasaun barak iha mundu ohin loron, paradu tomak, ema hotu tur hakmatek iha uma, tamba moras ida ne’e, se ita la haree ida ne’e moras ne’e mai tan, ita problema bo’ot.

“Ha’u husu ba lideransa komunitaria sira, iha momentu ida ne’e labele hateke deit, ita tenki manifesta solidariedade ne’e boot, uluk funu ami iha ailaran moris tamba imi, fó hena rohan no hahan oituan sae ba ai laran, ne’e mak ami moris, ida ne’e exemplu uluk halo, ne’e labele soe lakon ajuda malu”, tenik, Taur Matan Ruak.

Xefi Governu ne’e husu ba, komunidade sira ajuda malu, no Estadu mós fó ajuda, maibe ita labele hein Estadu tamba Estadu mak ita, ita bo’ot sira mak reperezenta governante sira, PM hanesan ita boot sira labele halo milagre, se ita hamutuk ita bele halo milagre, tamba ne’e ita tenki servisu.

“Se imi mak hateke malu satan ema liur, ha’u husu korajen, no tenki bo’ok aan, liu-liu xefi suku sira atu organiza komunidade sira, hodi ajuda sira ne’ebé presiza, governu la taka matan ba ita bo’ot sira, tuir kbiit ne’ebé Estadu iha, Estadu sei tau matan buat sira ne’ebé lori uluk mai, kikoan atu bele tau matan ba oan sira, ita presiza servisu bo’ot liu tan, laos imi deit maibe ita hotu, ajuda malu normaliza fila fali servisu iha díli laran”, afirma,Taur Matan Ruak.Cin


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker