GMN TV Sosiedade PR dekreta Estadu Emerjénsia, Traballadór iha kompañia privada la book osan seguransa sosiál

PR dekreta Estadu Emerjénsia, Traballadór iha kompañia privada la book osan seguransa sosiál

0 views

Prezidente Conselho Administrasaun Seguransa Sosiál, Ministériu Solidaridade Sosiál no Inkluzaun (MSSI), Longuinhos Armando, hatete Prezidente Repúblika (PR), dekreta Estadu Emerjénsia, trabalhadór sira ne’ebé servisu iha kompañia privada laiha direitu atu asesu osan seguransa sosiál.

“Sé kuandu prezidente dekreta servisu hotu-hotu taka konforme traballadór nia saláriu la’o nafatin direitu sira mós la´o nafatin hanesan maternidade, paternidade ne’e bele, mas se quando Estadu Emerjénsia mak kompaña sira hapara mós traballadór sira nia saláriu, Seguransa sosiál la’os tabungan ida ne’ebé sira rai para qualquer tempu sira atu foti la’os hanesan ne’e, maibé ne’e rai hela para ba aban bairua sira atu foti, maibé wanhira sira tama ona tinan 60 no reforma ona ka la produtivu ona mak sira bele rekere ona sira nia direitu hodi foti, maibe traballadór la servisu fulan ida tomak ne’e komforme empregador ida-idak ba desizaun prezidente kompaña ida-idak atu oinsa aplika ba sira nia traballadór, la’os ho situasaun hanesan ne’e seguransa sosiál bele foti sira nia direitu la’e”, dehan  Prezidente Konsellu Administrasaun Seguransa Sosiál Ministériu Solidaridade Sosiál no Inkluzaun Longuinhos Armando ba JNDiário, Kinta (26/03) iha nia kna’ar fatin Caicoli, Díli.

Parlamentu Nasionál aprova ona pedidu Estadu Emerjénsia, ne’ebé aprezenta husi Governu, hodi prevene transmisaun virus COVID-19 ho votus unanimidade.

Relasiona ho Estadu Emerjénsia ne’e, Prezidente Konsellu  Administrasaun Seguransa Sosiál hatete, posibilidade kompañia privada sira provizoriamente sei haruka  traballadór para servisu durante fulan ida. Bainhira situasaun ne’e akontese, traballadór sira laiha direitu atu asesu orsamentu seguransa sosiál, tamba osan ba seguransa sosiál ne’e, atu garante ba servisu nain iha futuru, wanhira traballador ne’e la produtivu no idade reformadu ona.

Longuinhos esplika direitu ba traballador hanesan maternidade no paternidade la’o, wanhira salariu fulan-fulan la’o.

“Tuir lei kompañia ne’ebé mak iha traballador nia tenki ba rejistu iha MSSI, tamba iha lei hatete katak, tenki garantia sidadaun hotu-hotu, tenki iha direitu ba seguransa sosiál ne’ebé agora dadaun ita besik mil ital kompañia ka empregador mak rejistu ona iha MSSI no ba traballador ne’ebé mak rejistu ona mai iha MSSI até agora hamutuk 97 mil,  kompostu husi Funsionariu Publiku ,no traballadór husi kompañia privada, tuir kriteria atu kompañia hotu iha traballador nain 1-2 mós bele ba rejistu iha MSSI”, hatete  Longuinhos.

Dadaun ne’e kompañia ne’ebé rejistradu iha Ministériu Solidaridade Sosiál no Inkluzaun  hamutuk Rihun Ida resin, no númeru traballadór ne’ebé asesu ba osan seguransa sosiál rejistu iha MSSI ho total nain 98 Mil.Tos


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker