GMN TV Sosiedade PR Lú Olo husu Timor-oan hakruk ba memória luta veteranu sira nian

PR Lú Olo husu Timor-oan hakruk ba memória luta veteranu sira nian

0 views

Prezidente Repúblika (PR), Francisco Guterres Lú Olo, hatete, komemorasaun loron nasionál veteranu sira nian,  nu’udar loron istóriku,  tanba ne’e, Timor-oan tomak tenke hakruk  no dignifika  memória veteranu sira nian.

“Ha’u  aproveita loron veteranuu sira nian, hodi husu tan  buat tolu ba konselhu kombatentes libertasaun nasionál atu haree oinsa?, ida haree ba lalais istória husi kombatente ida-idak ne’ebé sei moris, tanba ita lakon ona ema barak iha tempu ukun aan, bainhira ida mate, ita lakon dadaun husi parte ida husi ita-nia istória  koletivu, rua ajuda eduka ita-nia ema atu respeita konstituisaun RDTL no hametin valores no prínsipius luta libertasaun nasionál  ninian, ajuda governu atu dezenvolve lalais turismu istóriku”, hateten Xefe Estadu iha nia diskursu ba komemorasaun loron Nasionál Veteranu ba da tolu iha Palásiu Governu, Tersa (03/03/2020).

Lú Olo haktuir, Timor-oan hotu tenke hakruk ba memória veteranu feto no mane nian, tanba lista Timor-oan ne’ebé mate ba rai doben ida ne’e rohan laek.

“Ha’u temi deit  naran balun, Prezidente Nicolau Lobato, Rosa Moki, Borja da Costa, Maria Tapo, Vicente Sahe, Soimali, Maria Gorreti Joaquim, Ran Kadalak, Sabalae, David  Alex no Nino Koni Santana. Ho povu no Estadu Timor-Leste nia naran, ha’u  hato’o hakuak bo’ot ba família hotu ne’ebé lakon maluk iha luta libertasaun nasionál, iha loron ohin ha’u hakarak fó rekoñesimentu espesial ida ba fundadór movimentu ukun rasik aan no unidade nasionál, ne’ebé sei moris hela Dr. Marí Alkatiri, Dr. Ramos Horta, no mos ba Líder  Prinsipal no reorganizasaun luta libertasaun nasional iha 1981, Komandante das FALINTIL senhor Kay Rala Xanana Gusmão”, relata  Lú Olo.

Prezidente Repúblika ne’e hodi Estadu Timor Leste nia naran, hato’o rekoñesimentu bo’ot  ba kombatentes libertasaun nasionál sira feto no mane, kuñesidu no deskoñesidu sira ne’ebé kontribui  liu husi hahalok kiik ka bo’ot iha  Frenti Armada, Klandestina no externa diplomátika.

“Hato’o  mós agradesimentu ba solidariedade internasional ne’ebé ita simu husi Portugal no husi Moçambique, Angola  no Eix Colonia Portugues sira, iha Afrika husi Governu balun, partidu polítikus, organizasaun naun governamental sira no sidadaun sira iha mundu tomak, husi hotu-hotu nia kontribuisaun mak ita manan ukun rasik aan ida ne’e”, tenik Lú Olo.oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker