GMN TV Sosiedade PR sei kuda ai-oan iha Viqueque

PR sei kuda ai-oan iha Viqueque

0 views

Xefe Suku Wabubu, Postu Administrativu Ossu, Munisípiu Viqueque, konvida Prezidente Repúblika (PR), Francisco Guterres Lú Olo, atu halo lansamentu ba Kampañia Nasional kuda ai-oan iha Suku refere.

 “Ami-nia enkontru ho sua selensia, ko’alia kona-bá programa ne’ebé iha kedan gabinete Prezidensia Repúblika nian katak, “sidadaun ida ai oan ida” entaun ami mos hatutan deit programa ida ne’e, ami  rasik ho inisiativa halo rasik preparasaun ne’e, ami hakarak konvida sua selensia Prezidente Repúblika ba iha ami nia fatin, hodi hala’o  lansamentu kuda ai oan ida ne’e iha ami nia  fatin”,  informa Xefi Suku Wabubu, Joanico Maria Alves da Cruz ba Jornalista sira, Tersa (17/03/2020) iha Palásiu Prezidensial Bairo Píte Díli.

Iha sorumutu ne’e, Autoridade Lokal Suku Wabubu mos, husu ba Xefe Estadu atu asina  plaka rezistensia nian iha Suku ne’e,  atu rai hela hanesan memória Suku nian, atu ema hotu hatene  katak, iha tinan 24, okupasaun militar indonézia iha ida idak nia fatin, iha  mos armada subar líder rezistensia iha Suku ida idak ninian.

“Tanba ne’e ami Suku Wabubu ho inisiativa oinsa atu haburas fila-fali fatin ida ne’e ho kuda ai oan, ami nia fatin ne’e hanesan zona guerilia, iha ossu Prezidente pernah ba asina tiha ona fatin rezistensia  rua mak hanesan, Wasadiga ho Labalou, ami-nia fatin ne’e mós uluk fatin subar ba Brigaderiu Falur, Sabuka no guerilia seluk mak iha ne’eba, harii fatin ne’e nu’udar kaixa halilulik”, subliña Joanico.

Xefe Suku ne’e realsa, kona-ba ai oan ne’e, sira rasik mak prepara, no hetan apoiu husi MAP Munisípiu Viqueque, no mós husi parseiru NGO sira, ai ne’e ho tipu oi-oin mak hanesan, mahoni, saria, akasia, rambutan, kuluzaka, no seluk tan.

“Prezidente Repúblika pronto, depois  data ne’e desidi husi ami, mak ami hato’o fali ba Xefe Estadu, tuir planu ami fila fali ba, ami sei tu’ur hamutuk ho ami-nia komunidade  no veteranu Suku Wabubu nian katak, disponivel ne’e sei realiza lansamentu ba kuda ai oan iha fulan Abril tinan ne’e”, katak Xefe Suku Wabubu ne’e.oly


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker