GMN TV Sosiedade Prevene COVID-19 labele kona arbiru, PM Taur husu sosiedade kuidadu ho rei malu

Prevene COVID-19 labele kona arbiru, PM Taur husu sosiedade kuidadu ho rei malu

Primeiru Ministru (PM), Taur Matan Ruak, hatete, atu halo prevensaun ba moras Corona Virus Disease (COVID-19) hodi labele kona arbiru komunidade mak tenke kuidadu ho rei malu. Tanba rei malu ne’e nia efeitu maka’as tebes kuandu ema ruma kona hela moras a’at ne’e.

“Ami kuandu tama mai (sala konferénsia) ita rei malu, ita kaer liman. Favór ida bele iha ne’e ba oin ita halo hanesan Indianu sira nian ‘taka liman rua hakruk ba malu deit’. Tanba ita lahatene katak, ita sira ne’e balu iha ona, daet fali ba seluk. Pior liu moras ida ne’e aimoruk seidauk iha, entaun medida preventiva ne’e ida ne’e mak importante los. Ita bele muda ita-nia komportamentu, ita-nia prátika oitoan, la fasil, liu-liu kuandu ita haree ita nia ferik oan ne’e ita hakarak lalais, ha’u husu ba ita tahan oitoan eehh”,dehan PM Taur iha Centro Convenções de Díli, Domingu (8/3/2020), no hetan basa liman husi kongresista sira.

PM Taur dehan, iha TL iha kazu suspeitu ida kona moras COVID 19 ne’e. maibe PM seidauk simu relatóriu husi Ministériu Saúde nian.

“Ita bo’ot sira hatene, iha ita-nia rain iha kazu suspeitu ida, ita espera, ita reza karik nia sei fó negativu. Maibe karik lae, signifika katak, risku ba ita –nia rain hetan moras ida ne’e bo’ot”,dehan PM taur.

PM Taur informa, iha fulan hirak liu ba moras COVID ne’e akontese iha Xina, nasaun hot-hotu ba evakua nia ema sai husi Xina, maibe labele atu salva. Tanba moras ne’e daet ona ba nasaun barak.GMN


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker