GMN TV Sosiedade Sosiedade Sivil husu governu atu implementa subsidíu iha periodu Estadu Emerjénsia

Sosiedade Sivil husu governu atu implementa subsidíu iha periodu Estadu Emerjénsia

0 views

Diretor Ezekutivu Forum Organizasaun Naun Governamental Timor-Leste (FONGTIL), Daniel Santos do Carmo hatete, sosiedade sivil apoiu desizaun Estadu ba Estadu Emerjénsia, maibé, husu ba governu  atu implementa subsidíu iha periodu Estadu Emerjénsia, atu insentiva populasaun, tamba iha Timor-Leste ekonomia la hanesan.

“Ita apoiu Estadu nia desizaun, ne’e hanesan medida ida ne’ebé estadu foti, ho intensaun atu kontribui ba kombate COVID-19, hodi labele alastru iha ita nia rai, ita apoiu maibé intermus ita husu nafatin, oinsa mak entidades Estadu hotu, bele halo kontrola ida masimu, iha periodu implementasaun,  Estadu Emerjénsia ne’e, atu garante nesesidade baziku ba komunidade labele falta, tenki asesivel tamba ita hanoin katak ema hotu, iha TL ekonomia la hanesan,”afirma, Diretór ezekutivu FONGTIL, Daniel do Carmo ba GMN iha nia kna’ar fatin Caicoli, Sesta (27/03/2020).

Daniel hatutan, balun iha rekursu, maibé balun sira moris iha dalan mak hetan osan, entaun oinsá mak atu garante ida ne’e, durante implementa Estadu Emerjénsia, husu ba forsa rua F-FDTL no PNTL, kontrola masimu ba loja, no fatin publiku atu nune’e, evita labele iha manipulasaun presu, ba nesesidade baziku sira, nomos nesesidade asesivel ba povu hotu, iha munisipiu, suku no aldeia sira.

Tanba tuir, Diretór ezekutivu FONGTIL ne’e, konsikuensia bo’ot liu husi Estadu Emerjénsia ne’e povu iha area rural mak sei infrenta, tamba sira defisil atu sosa sasan, no karik la kontrola masimu, iha suku no aldeia, ema hasae sasan folin, entaun Estadu Emerjénsia atu bandu para labele halo movimentu, maibé sidadaun sira hamlaha bele mate iha uma.

“Ami nia hanoin oinsá mak, governu  bele halo subsidiu balun iha pediodu Estadu Emerjénsia, atu insentiva ita nia populasaun, tamba entre ita hotu ekonomia la hanesan, entaun governu presiza fó insentiva ai-han ruma ba povu iha periodu Estadu Emerjénsia”, tenik, Daniel.

Iha fatin hanesan, Diretór AJAR Jose Luis Oliveira hateten, ho Estadu Emerjénsia ne’e hein katak servisu governu nian organizadu, hodi asegura duni moras ne’e labele buras.

Timor-Leste presiza iha Estadu Emerjénsia, atu nune’e bele organiza diak ita nia situasaun atu bele kombate COVID-19 ho efetivu, se ita la konsentradu no la organizadu, COVID-19 ne’e bele habelar makas, sira ne’ebé fila husi rai liur la kumpri karantina ne’e labele, tamba moras ne’e kona ita la haree.

“Durante ne’e ha’u duvidas ho informasaun husi ministeriu saúde, enkuantu ita nia odamatan, fronteira tereste, no aero kontinua loke, maibé pozetivu ba moras ne’e ema na’in ida deit..?tamba moras ne’e daet lalais liu husi aviaun, ha’u preokupa lei ne’ebé PN halo, ho lian Portuguesa, bainhira implementa ita nia ajenti Estadu la komprende Portugues, dala barak implementa la tuir dalan”, dehan, José Luis Oliveira.

José Luis esplika, bazeia ba esperensia tinan hirak liu ba, iha ne’eba hakerek momos suspende direitu balun, maibé iha direitu fundamental balun la suspende, ida mak tortura no tratamentu át, ida ne’e mak la esplika didiak ba ajenti PNTL.

“Bainhira implementa sira baku uluk ema, no kaer ema arbiru, maibé iha lei hakerek labele tortura no baku ema, molok atu implementa regra ruma, tenki esplika didiak tamba povu iha direitu atu hetan informasaun klaru,”haktuir liutan, José Luis Oliveira.Cin


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker