GMN TV Sosiedade Suspeitu COVID-19 ida iha Manufahi, DSSMM: Informasaun ne’e la loos

Suspeitu COVID-19 ida iha Manufahi, DSSMM: Informasaun ne’e la loos

0 views

Primeiru Ministru, Taur Matan Ruak simu informasaun liu husi Ministra Saúde Interina Elia dos Reis Amaral informa katak, iha suspeitu Corona Virus Disease 2019 (COVID-19) ida iha Munisípiu Manufahi.

“Timor-Leste ita iha ona kazu 1, Ministra Saúde foin avizu katak ita dadaun ne’e iha suspeito ida iha Same, ne’ebé mai husi sorin balun, kuandu kazu importadu ne’e katak ita halo esforsu, hodi izolá atu lábele afeita iha rai láran”, afirma, Xefe Governu, Taur Matan Ruak, iha Parlamentu Nasional, Kinta (26/03/2020).

Hatán ba preokupasaun ne’e,  GMN via telefone kontaktu, Diretóra Servisu Saúde Munisipal Manufahi (DSSMM), Florenca Cortreal Tilman, rejeita informasaun ne’e tanba informasaun ne’e la loos.

Tanba ne’e, Diretora Servisu Saúde Munisipal Manufahi, Florenca Cortreal Tilman, konsidera informasaun ne’ebe fó sai iha Parlámentu Nasionál (PN) kona-ba, suspeitu Corona Virus oras ne’e dadaun iha hela Munisipiu Manufahi ne’e la loos.

“Kona-ba informasaun ne’e ohin kolega sira mós akompaña, debate iha Parlámentu Nasionál, ha’u rezeita informasaun ne’ebé mak fó sai ne’e laloos, ami láiha suspeitu ida kona-ba COVID19, ami iha duni ema na’in 3 mane rua no feto na’in 1, tama iha karantina tamba, sira liu husi fronteira terestre Suai nian,” afirma, Florenca.

Diretóra ne’e subliña liutan, sidadaun na’in 3 agora iha helá karantina maibé loron tolu ona, sira láiha sintomas kona-ba corona virus.

“Informasaun ne’ebe fó sai ne’e la loos, sira na’in tolu ne’ebe iha helá karantina, sé bainhira sira iha sintomas kona-ba COVID-19, ami halo tranferensia liu ba Díli, maibe durante loron tolu sira nia kondisaun diak, hau rezeita informasaun ne’e, no informasaun ne’e sira hetan husi ne’ebe deit hau lá hatene, sidadaun na’in 3 ne’ebe liu husi dalán ilegal agora dadaun iha helá karantina,”afirma, Diretóra Florenca.Cin


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker