GMN TV Sosiedade TLCE apoia desizaun Governu la evakua Timor-Oan iha rai-liur

TLCE apoia desizaun Governu la evakua Timor-Oan iha rai-liur

0 views

Koordenadór Timor-Leste Collection for Éducation (TLCE), José Monteiro, apoia desizaun Primeiru Ministru (PM), Taur Matan Ruak katak, laiha planu atu evakua Timor-Oan hirak ne’ebé estudu iha Indonézia, inklui mós iha nasaun sira seluk, relasiona ho pandemia coronavirus (COVID-19) ne’ebé sai ona preokupasaun mundiál.

“Ha’u apoiu desizaun governu ni’an, tanba ita tenke onestu ba situasaun agora saída mak ita bele halo no saída mak ita la presiza atu halo do que ita gasta forsa, entaun desizaun karik ita laihaplanu  evakua mai iha ne’e, ita laiha atendimentu no preparasaun ne’ebé di’ak ba COVID-19 hetok at liu fali estraga liu fali, di’ak liu lalika gasta osan, husik halo relasaun diplomásia ho adidu sira para bele ajuda halo akompañamentu ba Timor-Oan ne’ebé estuda iha rai-liur”, Koordenadór TLCE ne’e ba jornalista sira iha Tower-Fatuhada-Díli, Sesta (20-03-2020).

José esplika, sé bainhira la evakua estudante sira ne’ebé estudu iha rai-liur, konserteza la garante sira hado’ok husi pandemia COVID-19, tanba sira  iha área Indonézia ni’an, nia tenke halo tuir regulamentu iha ema-nia rai.

“Iha regra ba COVID-19, aplika regra internasionál Organizasaun Saúde Mundiál (OMS) mak kria regras, ita espera katak, sei la mosu diskriminasaun ruma ba ita-nia Timor-Oan sira iha rai-liur, ita ko’alia kona-bá asuntu global, tanba isu internasionál”, tenik Koordenadór TLCE ne’e.

Antes ne’e, Primeiru Ministru (PM), Taur Matan Ruak deklara, Governu laiha planu atu evakua Timor-Oan sira iha Indonézia no nasaun sira seluk, tanba pandemia COVID-19 ne’ebé ohin loron sai problema mundiál.

Entertantu, tuir dadus atuál ne’ebé divulga hosi OMS, númeru mate iha nível mundial ultrapasa ba rihun 9 resin no infetadu rihun 200 resin no da’et ona to’o iha nasaun 150 iha mundu. ety


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker