GMN TV Sosiedade Uma hitu hetan estragus husi erozaun

Uma hitu hetan estragus husi erozaun

0 views

Relasiona ho udan boot iha Sábadu (28/3) ne’e, fó impaktu la di’ak ba komunidade lubuk ida ninia uma iha Díli laran, liu-liu ba uma hitu (7) iha aldeia Zero Um (01), suku Mascarenhas, postu administrativu Vera Cruz, munisípiu Díli, hetan estragus maka’as husi erozaun.

Maske iha akontesimentu ne’e la rezulta ema mate, maibé abitante sira-nia uma 7 mak hetan estragus.

“Ha’u rona buat ida tarutu, ha’u hanoin saída mak tarutu ne’e, ha’u haree ema hotu-hotu iha leten hala’i hotu, sira dehan imi kraik tenke hala’i, sé imi la hala’i imi ba para hotu iha estrada, entaun ami sai mai loos duni, ai boot sira ne’e ho rai sira ne’e mai hanehan uma”, Vítima Domingos Verdial ba GMN iha aldeia Zero Um-Mascarenhas.

Abitante aldeia Zero Um ne’e, akresenta, iha akontesimentu dezastre naturais ne’e, uma lima (5) mak rai taka metin no uma-kain rua (2) seluk nia varanda naksobu, inklui rai taka metin dapur ida ho sasan dapur estragus totál.

Husi sorin seluk, delegadu husi suku Mascarenhas, João do Rego, dehan, akontesimentu dezastre naturais ne’e parte autoridade lokál rekolla ona dadus, hodi relata ba Autoridade Munsípiu Díli (AMD), hodi hein ninia prosesamentu.

“Ami hato’o ona ba Xefe aldeia no Xefe suku hodi relata ona ba autoridade munisípiu, nune’e bele atende situasaun ne’e”, tenik João.

Akontesimentu rai monu ou erosaun iha aldeia Zero Um ne’e, mais ou menus iha tuku 03:00 oras Timor-Leste.

Entretantu abitante sira ne’ebé hela iha foho lolon besik Eskola Sekundária Jerál 4 de Setembro nia kotuk kontinua iha situasaun ameasadu, tanba uma balun hahú nakfera, nune’e posibilidade iha tempu udan sei bele akontese tan erosaun.

Dau-daun ne’e, Xefe família iha aldeia Zero Um, suku Mascarenhas, hamutuk 234. san


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker