Líder rezisténsia, Kay Rala Xanana Gusmão, organiza mákina pezadu sira hodi suru rai no ateru Estrada, hodi satan komunidade nia uma iha aldeia nu’u badak, Suku Bidau akadiruhun, Postu Administrativu Kristu Rei, Munisípiu Díli.
Prezensa Kay Rala Xanana Gusmão, nian iha komunidade afetadu inundasaun sira nia let, halo komunidade sira kontente.
Maske inundasaun estraga hotu komunidade nia hela fatin no sasan iha Aldeia Nú Badak, Suku Akadiruhun, maibé komunidade afetadu sira senti Kaman, tanba prezensa Kay Rala Xanana Gusmão iha Suku refere, halo kedas asaun hodi autoriza kompaña Tinolina no Jonize, hodi apoiu material pezadu atu taka rai henek no hamos tahu ne’ebé metin iha komunidade nia uma no Estrada.
Joana Fraga Ximenes , vítima, sente kontente, maske nu’udar vítima ba inundasaun, tamba nia hateke ba Xanana Gusmão, hafoin inundasaun laran Kaman kedas, tamba avo Nana organiza ekipa makina pezadu hodi suru rai tahu no ateru hela dalan ho rai henek.
Nunee mos, Teofilo Freitas, vítima ba inundasaun, esplika to’o agora sira seidauk hetan esperitu santu xefe suku no xefe aldeia, wanhira sira hasoru inundasaun iha loron 3 liu ba. Satan membru governu.
“Ami desde inudasaun nunka hetan xefe suku no xefe aldeia nia esperitu santu só ami nia avo Nana mak dadersan ne’e to’o kedas hodi ajuda ami komunidade liu husi meius oin-oin to’o ohin loron ami sente Kaman oituan”, kestiona Teofilo Freitas.
Tuir dadus husi Sekretáriu Estadu Protesaun Sivil katak komunidade sira ne’ebé afetadu ba inundasaun foin lalais ne’e hamutuk 1.105.Tos
