GMN TV Sosiedade MCI proteze konsumidor TL

MCI proteze konsumidor TL

0 views


Diretor Nasional Regulasaun Komersial, Domingos Guterres, informa, Ministério Comercio e Industria (MCI), Kuarta (4/04/2018),  realiza forum grupu diskusaun, hodi koalia kona-ba impedimentu ba komersial hodi  promove defeza ba protesaun konsumidor sira nian.

“Objetivu husi  realiza forum grupo diskusaun ne’e, oinsa komponente hotu  ne’ebé partisipa iha forum ne’e, atu soe lisuk hanoin, para ita haree liu ba problema kongetionamentu komersial, atu hamosu sistema ida, nune’e atu haree ba sasan sira ne’ebé mak importa mai Timor Leste,”dehan Diretor Nasional Regulasaun Komersial ne’e ba Jornalista sira iha Timor Plaza, Dili.

Nia dehan, durante ne’e ema hotu preokupa liu kona-ba kualidade, kuantidade, no presu sasan sira ne’ebé importa mai Timor, entaun ida ne’e mak nu’udar fukun ne’ebé durante ne’e MCI nunka detekta, no liu husi forum ne’e, ema hotu bele fo hanoin,  sujestaun, no rekomendasaun atu hatur ona sistema, no kria polítika kona-ba kestaun ne’e, nune’e bele minimiza kongestionamentu ne’e rasik.

“Forum ne’e, ami hala’o ona ba segunda faze nian, tamba antes ne’e ami halo ona, ho tópiku ne’ebé la hanesan, mai husi linha ministeriais sira ne’ebé la hanesan, no ami mai ho segundu forum ne’e, ho tópiku ne’ebé diferensa husi liña ministeriais sira, no mos envolvimentu  iha distributor sira mos fo hanoin no halo aprezentasaun, lalaok kona-ba  asesu ba sasan sira ne’ebé tama iha Timor,”hatutan Diretor Nasional Regulasaun Komersial ne’e.

Fatin hanesan, Vise Ministru Komersiu Industria, Jacinto Gusmão, realsa, husi Forum ne’e, Governu hamrik atu proteje kompañia no konsumidor sira.

“Ami nu’udar Governu tenki halo polítika ida, ita tenki koalia ba malu, husi Governu hasai lisensa, maluk importador sira hatama mai, no maluk konsumidor sira sosa, oinsa mak ita tenki harmonia, para komersiu ne’e bele la’o diak iha Timor Leste,”subliña Jacinto Gusmão.

Alende ne’e Estudante Melcior Fernandes husi Universidade Dili (UNDIL) akresenta, importante tebes parte Governu realiza forum grupu diskusaun ne’e, atu akumula akdémiku no instituisaun sira, atu hadia fallansu ne’ebé Timor enfrenta.

“Ita atu analiza situasaun ida ne’e, mak bele hadia sistema, liu-liu atu hadia primeiru mak tenki iha lei ida, atu regula situasaun ne’e husi kapital to’o area rural, no tenki halo kontrola, nune’e bele asegura situasaun ne’ebé ladiak ba konsumidor sira,”tenik estudante ne’e.Oly 


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker