GMN TV Sosiedade PR husu UNE-TL defende valór TL nian

PR husu UNE-TL defende valór TL nian

3 views

Prezidenti Repúblika (PR),Francisco Guterres Lú Olo kontinua husu ba Uniaun Nasional Eskuteiru Timor Leste (UNE-TL) ne’ebé agora dadaun, ofisilmente sai ona nu’udar membru Eskutísmu Mundial no Membru Eskutismu iha Ázia Pasífiku atu sai nu’udar mahon ba eskuteiru hotu iha TL, no defende valor sira ne’ebé iha TL.

Komisária Internasionál ba Uniaun Nasional Eskuteiru Timor Leste, Filomena Barros dos Reis hato’o asuntu ne’e hafoin hamutuk ho delegasaun UNE-TL nian, hasoru malu ho Prezidenti Repúblika, Francisco Guterres Lú Olo, Tersa feira (3/4), iha Palásiu Prezidensial Bairo Pite, hodi hato’o agradesimentu ba PR nu’udar patronu ba movimentu ida ne’e.

Filomena Barros promete, movimentu ida ne’e sei kaer nafatin ba mensajen PR nian hodi la’o ba oin.

“Ami lori ami nia delegasaun Konsellu Eskuteiru Rejional Ázia Pasífiku nian, mai agradese ba PR nu’udar patronu, no koalia oituan konaba movimentu eskutismu iha mundial, i liu-liu ba Uniaun Nasional Eskuteiru Timor Leste, ne’ebé mak sai ona membru mundial no Ázia Pasífiku nian”, dehan Filomena Barros.

Nia esplika liu tan katak, iha liafuan ne’ebé hato’o husi PR ba Uniaun Nacional Eskuteiru TL maka, UNETL tenki sai mahon ba grupu eskuteiru sira hotu iha TL, i PR orgullu tebes katak movimentu ne’e bele duni la’o ho karakter identidade Timor nian hodi bele sai ona membru mundial i membru rejiaun Ázia Pasífiku.

“Prezidenti Repúblika mós husik hela moto ida ba UNE-TL katak, foti ita oin hodi defende ita nia valor sira no movimentu ida ne’e, sei kaer ida ne’e hodi la’o nafatin ba oin,” tenik Filomena Barros.

Tuir Filomena, Movimentu Eskutismu UNE-TL ne’e loke ba joven sira hotu atu partisipa no la haree ba relijiaun, suku, rasa, kiak ka riku no nia misaun prinsipál mak forma karakter joven sira nian hodi sai responsável nu’udar sidadaun hodi servi Maromak, família no nasaun iha mundu.

Uniaun Nasional Eskuteiru Timor Leste harii iha loron 2 fulan Dezembru tinan 2005 ho total membru agora ne’e atinji ona onze mil membru.ías


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker