GMN TV Diarío Governu presiza tetu rekruta F-FDTL priense servisu PNTL

Governu presiza tetu rekruta F-FDTL priense servisu PNTL

0 views

Sosiedade Sivíl husu Governu atu tetu  didiak pozitivu no negativu, wainhira rekruta fali membru FALINTIL Forsa Defeza Timor-Leste (F-FDTL) hodi priense servisu  servisu Polísia Nasionál Timor-Leste (PNTL) nian.

Diretór ezekutivu Fundasaun Mahein, João Alemeida, hato’o lia hirak  ne’e, ba jornalista sira  Sesta (26/04/19)iha nia servisu fatin Fundasaun Mahein Fomento Díli, relasiona ho deklarasaun  Ministru Defeza Interior Interino Filomeno Paixao, ne´ebé antes ne´e hateten, sei rekruta F-FDTL hodi priense servisu PNTL.

“Agora sera que pesoal  servisu militar F-FDTL   bele priense iha rekrutamentu  PNTL? tuir observasaun ami husi FM ninian, rekrutamentu ne´e iha  pozitivu no negativu``, esplika Diretór ezekutivu Fundasaun Mahein João Alemeida.

Tuir João Almeida , pozitivu ne’e  mak Governu bele redus  despeza  sira rekrutamentu,  no prosesu  rekrutamentu ne’e  husi etapa lubuk ho rekursu ne’ebé  ténki sufisiente  atu bele kompleta rekrutamentu, tantu  iha  militar no PNTL, maibe  iha mós negativu.

``Sé bainhira  ita foti militar sira  ne’ebé mak treinadu ona husi F-FDTL ba  PNTL  ita sei forma fila fali mós,  husi inisiu, liu-liu iha vida sivil hanesan Polísia tanba  ita nia Polísia sira adopta  ninia filosofia ninia karater  Polísia komunitaria, la’os Polísia ida para militar. Entaun sé bainhira  ita foti militar ba prense   iha PNTL  ita presiza mós halo formasaun ida  husi baze katak, ténki forma ninia karakterista  hanesan Polísia komunitaria``,dehan João Almeida.

João Almeida akresenta, rekrutamentu sira hanesan ne´e la viola regra no la deskreve  iha lei ruma. Tanba  ne´e  rekrutramentu  Polísial PNTL ninian  bele  foti iha F-FDTL.

Tuir João Alemeida, durante  ne’e rekrutamentu PNTL ho F-FDTL la’o tuir prosesu normal  iha instituisaun ida-idak ninian, militar hala’o tuir instituisaun militar nomós  PNTL.

Entretantu tuir lei Konstituisaun RDTL, artigu 146, difini katak,  institisaun F-FDTL  hala’o sira nia  misaun ba ameasa externa,  no artigu 147,  PNTL sei hala’o misaun interna.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker