GMN TV Sosiedade Governu sei hato’o relatóriu implementa PAN RKSNU ba SekJer ONU

Governu sei hato’o relatóriu implementa PAN RKSNU ba SekJer ONU

0 views

Governu Timor-Leste, liu husi Ministério Interior,   sei hato’o relatóriu implementasaun  Planu Asaun Nasionál (PAN) Rezolusaun Konsellu Seguransa Nasoins Unidas  (KSRNU) númeru 1325 ba Secretáriu Jerál (SekJer) Organizasaun Nasoins Unidas  iha Nova Iorque, kona-ba feto paz  iha Timor-Leste.

Relatóriu ne’e  tuir planu  sei hato’o iha fulan Outobru tinan 2019.

“PAN númeru 1325 koalia liiu feto paz  iha seguransa, ida ne’e la’os  iha Timor de’it, maibe  koalia  mós  iha nasau seluk, entaun iha Timor, ita iha akordu  Nasoins Unidas  komesa iha 2014  liu ba to’o tinan 2020 remata,  entaun  atu remata  presiza  iha relatoriu, relatoriu  ne’ebé mak atu hasae ba Nasoins Unidas  iha fulan Outobru nia laran atu liga ba feto paz  iha Timor-Leste  la’o oinsa”,esplika Sekretario Estadu  Protesaun Sivil   Alexandrino Xavier de Araújo,  ba jornalista sira segunda (08/04/19)  hafoin abertura workshop kona-ba  PAN RKSNU,  iha salaun enkontru Ministério Interior.

Tuir  Alexandrino Xavier de Araújo, ninia  observasaun  ba implementasaun PAN RKSNU  1325 iha Timor-Leste ne’e la’o,  nomós Secretaria  Estadu Igualdade  no organizasaun feto barak la’o hatudu katak, Timor-Leste iha feto no mane  iha servisu balansu  ne’e ida de’it.

“Hanesan foin dadauk ita rona husi Prezidente Komisaun Funsaun Públika  hatoo katak,  feto  iha Timor  ne’ebé mak servisu atinji  iha 30%  mane  iha  mane  iha 60% , signifika  iha konstituisaun RDTL  ita preve ba Kuota feto 30%, maibe Timor  ultrasapa tiha saida mak  ita hakerek iha Konstituisaun RDTL. Tanba  ne’e hare’e ba kapasidade  feto Timor  nian durante ne’e, iha  kapasidade halo desizaun politika,  iha kapasidade atu bele hala’o servisu  feto no mane hanesan de’it, ida  ne’e mak orgulhu boot ida ba  ita Timor  feto no mane iha kapasidade iha igualdade hanesan”,dehan Alexandrino Xavier de Araújo.

Iha fatin hanesan Ofisial  Programa  UN  Women Vicenta Correia  hateten, dadauk ne’e Ministério Interior konvoka  hela enkontru ho komite diretiva ba  implementasaun  planu asaun ba rezulusaun  Konsellu Seguransa númeru 1325, ne’ebé koalia barak liu kona-ba feto nia partisipasaun  feto,  iha prosesu foti desizaun  iha nivel hotu-hotu, liu-liu iha Timor-Leste.

Membru  komite  diretiva sira   husi instituisaun Governu nomós  soseidade sivil dadauk hare’e hikas  fali relatoriu ka kontribuisaun Timor-Leste nian  ba implementasaun rezulusaun konsellu seguransa númeru 1325 ba  relatoriu Sekretario Jerál Nasoins Unidas, ne’ebé nia sei hato’o fila-fali iha reniaun Konsellu Seguransa Nasoins Unidas  fulan Outobru  tinan 2019.

Relatoriu ne’e koalia barak liu inisiativa saida mak Governu Timor-Leste, hanesan membru Nasoins Unidas ninian halo ona  karik iha ona politika ruma, programa ruma ne’ebé  buka atu  promobe feto nia partisipasaun   iha prosesu  hari’i paz   nomós iha prosesu tomak,  inisiativa saida mak Governu hakarak halo  iha tinan   tuir mai,  progresu saida mak  mak   Timor-Leste hanesan  membru  Nasoins Unidas hetan liu husi implementasaun rezulusaun  konsellu Nasoins Unidas númeru 1325.

Iha relatoriu  ne’ebé mak  Timor-Leste sei hatoo ba  Secretario jerál Nasoins Unidas  nian sei hatoo mós preokupasaun  saida mak durante ne’e Governu  ka soseidade sivil implementa rezulusaun ida ne’e.

Ne’ebé  husi Ministério Interior sei prepara relatoriu ida ne’e ho ko’ordenasaun liña ministeriais relevante  ne’ebé  mak implementa planu asaun nasional ba  rezulusaun konsellu seguransa Nasoins Unidas 1325, sei tau hamutuk  hanoin sira ne’e.avi

  

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker