Primeiru Ministru (PM), Taur Matan Ruak, orienta Gabinete Apoiu Sosiedade Sivíl (GASS) atu halo selesaun ba proposta organizasaun Naun Govermental (ONG) sira nian ho ekilibriu no tuir kritéria ne’ebé mak governu establese ona.
Koordenador Gabinete Apoiu Sosiedade Sivil, Filipe Da Costa, hato’o asuntu ne’e,hafoin informa servisu Gabinete Apoiu Sosiedade Sivil no servisu unidade auditoria sosial ba Primeiru Ministru Taur Matan Ruak, iha Palasiu Governu.
Koordenadór nee hatete hatete, oras ne’e proposta ne’ebé Gabinete Apoiu Sosiedade Sivil simu husi organizasaun sosiedade sivil hamutuk 100 resin, proposta hirak nee sei halo selesaun ho rigorozu atu labele duplika ho atividade Governu nian ne’ebé planeiadu ona.
“Orientasaun ne’ebé mak PM Taur Matan Ruak, fó maka atu haree oinsa maka apoiu ne’e iha ekilibru hodi haree ba kriteria ne’ebé klaru durante ita halo selesaun no iha justifikasaun ruma ,wanhira selesaun prontu. “Ami oras ne’e iha ona proposta 100 resin osan oituan de’it mak iha ,ami tenki halo selesaun ne’ebé ami nia manual ba selesaun prontu hotu ona hein de’it aprova para ami bele halo selesaun”, dehan Koordenadór GASS.
Proposta nebe ONG sira submete ba iha GASS nee balun koalia konaba advokasia treinamentu, balun koalia konaba servisu iha área dezenvolvimentu ekonomia no mos iha área saúde no agrikultura.
Orsamentu Jerál Estadu 2019 nee Gabinete Apoiu Sosiedade Sivil hetan montante Dolar Amerikanu millaun 6.tos
