GMN TV Sosiedade Autoridade Lokal bandu komunidade simu família husi bairu seluk

Autoridade Lokal bandu komunidade simu família husi bairu seluk

Atu evita propagasaun CoronaVirus Disease 2019 (COVID-19) iha komunidade nia le’et, Xefe aldeia Niken no Fuslam, suku Bairo Píte, munisípiu Díli, bandu komunidade husi bairu no aldeia seluk mai sira nia aldeia.

Autoridade lokál (AL) no veteranus sira hato’o deklarasaun ne’e relasiona ho sidadaun sira ne’ebé vizita no halo movimentu tama sai bairu durante Estadu Emerjénsia (EE), hodi viola régra ne’ebé Estadu estabelese.

“Hanesan autoridade komunitáriu katak, hahu iha semana ne’e AL aldeia Niken no Fuslam sei estabesele regra iha bairu ne’e, nune’e labele halo movimentu iha bairu ne’e, tanba ne’e nu’udár AL sei hamutuk ho Konsellu Polisiamentu Komunitária (KPK) sei halo kontrolu sai tama uma iha bairu, nune’e ema labele halo movimentu iha fatin ne’e, tenke tuur hakmatek iha ida-idak nia uma no bandu mós atu simu família sira husi bairu seluk, hodi tama mai iha aldeia Niken no Fuslam durante EE, hodi evita transmisaun COVID-19 iha aldeia ne’e”, Xefe Aldea Niken, Filomeno da Conceicão Barbosa ba GMN iha Cacao-Lidun, Tersa (14-04-2020).

Tuir nia hateten, maske Prezidente Repúblika (PR), Francisco Guterres “Lú Olo” dekreta ona EE, nune’e sidadaun sira labele halo movimentu iha fatin públiku no bairu sira, maibé sidadaun barak la kumpre regras refere.

“Ha’u husu ba ha’u-nia komunidade sira atu labele halo movimentu iha bairu ne’e, maibé hakmatek iha ida-idak nia uma, hodi tuir regra ne’ebé Estadu estabelese ona, nune’e bele kombate COVID-19, tanba virus ne’e la haree o boot ka ki’ik”, tenik Filomeno.

Iha fatin hanesan, Xefe aldeia Fuslam, Joaninha Soares, husu ba Prezidente Autoridade Munisípiu Díli (AMD) atu fó autorizasaun ba funsionáriu Coveiros husi semitériu Cacao-Lidun bandu komunidade halo movimentu iha rate laran, atu nune’e bele evita transmisaun COVID-19 ne’e.

“Nu’udár AL ami husu ba Prezidente AMD atu autoriza ba funsionáriu Coveiros husi semitériu Cacao-Lidun hodi bandu komunidade atu labele halo movimentu iha rate laran, maibé tenke fó limitasaun movimentu iha rate, tanba virus ne’e perigozu tebes, tanba iha loron hirak ne’e sidadaun Timor-Oan balun mai husi Indonézia mai tau ai-funan iha semitériu ne’e, ida ne’e ami preokupa tebes”, informa Xefe aldeia Fuslam ne’e.

Ho nune’e, AL no KPK sei servisu hamutuk ho funsionáriu Coveiros sira atu kontrola ninia komunidade aldeia refere, inklui sidadaun sira iha bairu seluk ne’ebé halo movimentu ba mai iha área refere.

Entretantu total xefe família iha aldeia Niken ho Fuslam hamutuk rihun 1 resin no númeru populasaun iha aldeia rua ne’e hamutuk rihun 2 resin. aba


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker