Diretur Nasionál Polítika Koperasaun Ministériu Saúde, Narcisio Fernandes deklara, sidadaun 84 ne’ebé kumpri ona kuarentena durante loron 14 iha fatin 3 diferente iha Díli, seidauk bele fila ba uma tanbá deskonfia ema balun iha sintoma kona-ba COVID-19.
Narcisio esplika, ema nain 84 ne’e kompostu husi mane 47 no feto 37 mai husi Hotel 3 diferente hanesan Hotel Sakura Tower nain 9, Hotel Lecidere nain 41 no Hotel Leokase hamutuk 34.
“Tuir lolos planu ne’ebé iha ita porvolta 84 habitantes ne’ebé hela iha kuarentena fatin 3 sei ba munisipiu, maibé tanbá sample balun ne’ebé presiza halo mos konfirmasaun entaun ho ida ne’e ami hetan informasaun husi laboratorium katak hein pendente atu halo konfirmasaun, ohin dader mak foin simu informasaun entaun sira pendente,” haktuir, Narcisio Fernandes, iha Salaun Hotel Leokase Raikotu, Sesta (17/06/2020).
Narcisio Fernandes, konsidera asaun ida ne’e importante atu bele prevene akontese transmisaun moras COIVD-19 husi sidadaun hirak ne’e ba nia familia no sosiedade tomak.
“Ha’u hanoin sira komprende no sira prontu kontribui para asegura COVID-19 labele ba tan sira nia familia, komunidade no sosiedade tomak,” tenik, Narcisio.
Tuir dadus ne’ebé fó sai iha loron 16 fulan Abril ne’e husi Sentru Integradu Jestaun Krize katak ema ne’ebé halo kuarentena hamutuk 567 auto kuarentena na’in 6 no iha ema 1330 mak passa ona husi periodu kuarentena durante loron 14.Ida
