GMN TV Sosiedade Governu husu sidadaun tama ilegal aprezenta-an ba parte relevante ■ PM Taur: Sei importa tan foos mai rai-laran

Governu husu sidadaun tama ilegal aprezenta-an ba parte relevante ■ PM Taur: Sei importa tan foos mai rai-laran

0 views

Governu apela ba sidadaun sira hotu ne’ebé  tama ilegál mai Timor-Leste (TL), atu aprezenta-an hodi submete ba kuarentena, relasiona ho surtu COVID-19 ne’ebé hamate ona populasaun rihun ba rihun iha mundu tomak.

Surtu global ne’ebé mak invade ona nasaun barak iha mundu inklui mós timor-leste, estadu timor-leste husu ba sidadaun sira, ne’ebé mak tama ilegalmente mai rai laran, atu aprezenta sira nia an ba parte relevante

Nune’e submete lalais ba fatin kuarentena ne’ebé mak prepara ona husi governu, atu bele prevene transmisaun covid-19

“Apelu governu ni’an, sira apresenta-an lalais labele lakon sira nia tempu, iha instituisoens sira kontrolu iha fronteira polisia ni’an, forsa no mós saúde ni’an para ke sira kanaliza sira ba kuarentena antes ke sira prejudika sira-nia família, mais sira la rona ne’e sira-nia responsabilidade”, dehan Primeiru Ministru, Taur Matan Ruak ba Jornalista sira, iha Palacio Prezidensiál, Aitarak Laran, Sesta (17/04).

Enkuantu sidadaun sira, ne’ebé mak tama ilegalmente, mai timor-leste, liu husi fronteira, halo ona deportasaun ba kuarentena, hirak ne’ebé mak prepara ona husi governu, iha kapitál dili.

PM Taur: Governu sei importa tan foos mai rai-laran

Governu sei esforsu buka medida, halo tan importasaun foos mai Timor-Leste (TL), hodi responde situasaun atuál.

Surtu coronavírus (COVID-19) ne’ebé mak invade ona nasaun barak iha mundu, inklui mós timor-leste, tanba ne’e estadu timor-leste, sei buka dalan kontinua iha kbiit hodi hatan ba iha senariu tuir mai

Relasiona ho stock foos ne’ebé mak menus dadaun, iha situasaun atuál, li-liu liga ho surtu covid-19, tanba ne’e, xefe órgaun ezekutivu, taur matan ruak esplika, governu sei, buka alternativu hatama tan foos, nune’e bele responde ba situasaun estadu emerjensia

“Iha marsu ministru asuntus ekonómiku fó sai katak ita iha foos natoon ba aguenta tan ba fulan 3 no 4 ne’e iha marsu, abril ita dehan ona foos laiha, iha stock númeru sira ne’e reduz, maibé ne’e significa katak família sira sosa barak tau hela uma, ami haree hela dalan halo nusa mak ita bele kontinua iha kbiit atu prepara ita nia an ba senariu ida pior liu, tanba ne’e iha komisaun interministerial asuntu ekonómiku haree li-liu sira nia estudu ba preparativu ba iha aspetu sosiál no ekonómiku, tanba ne’e iha tempu badak ami sei haree medida oinsa mai ita responde ba situasaun”, dehan PM Taur Matan Ruak, ba jornalista sira hafoin remata enkontru semanál, ho Xefe Estadu Francisco Guteres Lu-Olu, iha PR Aitarak-laran Sesta (17/04)

Antes ne’e Diretór CLN, Agusto Junior Trindade hateten, maske governu timor-leste, implementa estadu emergensia, no taka pontu entrada sira, maibé sentru lojistiku nasionál sei serbisu hamutuk ho ministériu negósiu estranjeiru no koperasaun (menk), mantein halo negosiasaun no kontaktu ho nasaun importador sira, ne’ebé mak durante ne’e halo importasaun foos mai rai laran

Agusto haktuir razaun kontinua, halo atividade importasaun foos, nune’e povu labele pániku ho situasaun atuál

Enkuantu tuir dadus ne’ebé mak iha, foos hirak ne’ebé, dadaun ne’e iha armazen sentru lojistiku nasionál, hamutuk tonelada rihun tolu hitu nulu resin neen (3076). Ina

 


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker