GMN TV Sosiedade Grupu PE fó apoia umanitária ba komunidade balun iha Hudi-Laran

Grupu PE fó apoia umanitária ba komunidade balun iha Hudi-Laran

0 views

Hafoin Grupo Média Nacional (GMN) publika informasaun kona-bá Xefe Aldeia Likarapoma, Hudi-Laran tanis, wainhira haree ninia komunidade iha aldeia refere halerik tanba hamlaha relasiona ho implementasaun Estadu Emerjénsia (EE) ne’ebé bandu komunidade labele movimenta ba mai, nune’e halo komunidade balun labele sai hodi buka osan.

Ho publikasaun refere konsege fanun no loke ema barak nia fuan hodi fó apoia umanitária ba komunidade ne’ebé dau-daun ne’e terus hela, tanba hamlaha. Situasaun ne’e akontese, tanba implikasaun husi EE ne’ebé Estadu dekreta hahú iha loron 28, fulan Marsu liu ba no sei remata iha loron 26, fulan Abril ne’e.

Nune’e, grupu Posku Emerjénsia (PE) hola inisiativa no deside fó apoiu umanitáriu ba komunidade iha aldeia Likarapoma, suku Bairo Píte, munisípiu Díli tuir kbi’it ne’ebé sira iha.

Molok fó ajudu umanitáriu, Koordenadór Posku Emerjénsia, Nino Pereira, hateten, ho matan-been Xefe aldeia Likarapoma nini’an ne’e, konsege loke ema-nia fuan no fanun ema atu tulun malu iha situasaun difísil nia laran.

“Ami akompaña notísia iha GMN ida ne’e so que ami nia fuan, tanba ita-nia na’i Xefe aldeia ko’alia iha média ami haree ita sente duni ho EE ne’ebé la’o ona fulan ida, sei estende tan to’o iha fulan Maiu, ita hotu komprende situasaun difikuldade ne’ebé mak komunidade hasoru, maibé situasaun ida ne’e ita hotu hasoru”, Koordenadór Posku Emerjénsia, Nino Pereira ba jornalista sira iha aldeia Likarapoma, Kinta (23-04-2020).

Hafoin akompaña notísia iha média grupu Posku Emerjénsia deside fó apoiu umanitáriu ba komunidade hodi loke ema hotu nia fuan oinsa bele lolo liman hodi fó apoiu.

“Ami fó apoiu ida ne’e hanesan inisiativa ida hodi buka malu no telefone malu hodi fó apoiu umanitáriu hanesan ita nu’udár povu bai-bain oinsa hatudu ita-nia solidariedade sentimentu hanesan umanu, tulun-malu ita-nia domin ba malu ita bele hakma’an susar situasaun difísil ita-nia povu balun enfrente“, tenik Nino.

Nune’e mós Xefe aldeia Likarapoma, António Manuel Soares, agredese ba grupu Posku Emerjénsia, maibé ho ajudu husi grupu Posku Emerjénsia ne’e sei la sufisiente, presiza apoiu husi entidade sira seluk.

“Ha’u hanesan autoridade lokál ko’alia nunka atu tanis, maibé tanba situasaun EE durante fulan ida ne’ebé mak durante ha’u rona komunidade nia halerik, soke tebes ha’u-nian fuan. Servisu husi média ni’an hafoin akompaña loke ema hotu nia matan hodi fó apoiu umanitáriu, maske nune’e la sufisiente presiza tan apoiu ruma husi entidade relevante sira“, haktuir António.

Abitante, Moises Gomes, agradese ba grup Posku Emerjénsia ne’ebé fó ona apoiu, hodi responde netik preokupasaun husi komunidade Hudi-Laran nini’an.

“Ho apoiu ohin loron ne’e la sufisiente ba ami, presiza tan apoiu ruma, tanba ho implementasaun EE, ami labele buka osan oinsa mak ami bele sustenta ami-nia moris”, hateten Moises.

Entretantu durante ne’e abitante refere halo de’it negósiu ou fila-liman, maibé ohin loron ho implementasaun EE nia parte labele kontinua fila-liman no ema laiha atu sosa.

Apoia umanitária ne’ebé grupu Posku Emerjénsia fó ne’e mak hanesan fos, supermie no selu-seluk tan. ety

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker