GMN TV Sosiedade Impaktu husi surtu COVID-19, Apoiu emerjénsia ba vítima inundasaun la’o tarde

Impaktu husi surtu COVID-19, Apoiu emerjénsia ba vítima inundasaun la’o tarde

0 views

Sekretária Estadu Protesaun Sivíl (SEPS), iha Tersa, loron 28, fulan ne’e, kontinua distribui sasan bázika ba komunidade afetadu inundasaun, ne’ebé akontese iha loron 13, fulan Marsu, tinan ne’e, iha suku Caicoli no Mascarenhas.

Sekretáriu Estadu Protesaun Sivíl (SEPS), Alexandrino Xavier Araújo, hateten, distribuisaun nesesidade báziku ba vítima dezastre naturais ne’e la’o tarde, tanba impaktu husi surtu Corona Virus Disease 2019 (Covid-19).

“Primeiru ha’u hakarak husu deskulpa ba vítima inundasaun ne’ebé akontese iha dia 13, Marsu liu ba, iha prosesu apoiu emerjénsia ne’ebé mak hala’o tiha ona iha loron hirak liu ba kotuk, antes situasaun pandémia COVID-19, mais depois de kuandu hala’o hela iha prosesu ne’e depois ikus mai iha klaran iha situasaun pandémia COVID-19 nini’an ne’ebé sai preokupasaun mundu tomak, inklui mós Timor-Leste, tanba ida ne’e ita-nia Estadu, ita-nia Prezidente Repúblika (PR) dekreta Estadu Emerjénsia (EE), nune’e ata-ha’u suspende provizóriu situasaun ne’e, ho ida ne’e ita kontinua fali ho hanoin ida katak, ho situasaun ida ne’e ita-nia povu iha buat rua mak sira hasoru, ida mak inundasaun no ida mak pandémia COVID-19”, SEPS ne’e ninia kna’ar fatin Caicoli-Díli.

Alexandrino informa, distribuisaun sasan ne’e la’ós apoiu subsídiu ba COVID-19 ni’an, ne’ebé foin la-lais Governu propoin, maibé kontinua de’it apoiu emerjénsia ba vítima inundasaun ne’ebé akontese iha fulan kotuk.

Autoridade lokál suku Mascarenhas, António Sarmento, agradase ba apoiu ne’ebé Governu fó, tanba bele responde duni komunidade afetadu sira-nia preokupasaun kona-bá inundasaun.

“Sente kontente uitoan, tanba inundasaun ne’ebé kona sira, sira hein hela, maibé Estadu la taka matan, hanesan ohin SEPS ko’alia ona katak lambat mós responde, uitoan mós halo sira moris, ne’e duni ha’u hanesan autoridade lokál, ha’u foti dadus ne’ebé mak justu no balun simu ona no balun seidauk simu”, Xefe aldeia Baixo Balide 06 ne’e.

Distribuisaun nesesidade bázika ba komunidade afetadu dezastre naturál, sei kontinua ba suku hotu ne’ebé afeta inundasaun iha kapital Díli, inklui mós munisípiu sira.

Tuir dadus husi SEPS relata katak, vítima dezastre naturál iha fulan Marsu, husi suku Caicoli hamutuk 731 no Mascarenhas 163, maibé totál komunidade afetadu ba dezastre naturál pendente iha Timor laran tomak hamutuk família 3000 resin. san


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker