GMN TV Sosiedade Kombate COVID-19, Vendedores manleuana husu Governu taka pontu entrada

Kombate COVID-19, Vendedores manleuana husu Governu taka pontu entrada

Atu kombate Corona Virus Disease 2019(COVID-19) Vendedores merkadu manleuana husu Governu tenke taka pontu entrada sira no atu labele taka dalan deit husi Munisípiu mai kapital Díli no husi kpaital Díli ba Munisípiu.

Relasiona ho Pandemia Corona Vírus ne’ebé mak hamate ona ema rihun ba rihun iha mundiál, inkuli mós sai preokupasaun Timor-Leste ni’an, tanba ne’e negósiante sira iha merkadu lokál manleuana husu ba Estadu Timor-Leste atu taka pontu entrada sira liu-liu Portu, Aeroportu, no Fronteira Terrestre no kontinua loke movimentasaun husi minisípiu mai díli no husi díli ba munisípiu.

“Sira liur-liur ne’e labele haruka mai ona tan mai Timor ami Timor ni’an iha ona ai-tahan, ai-fuan, lebele lori fali liur ni’an mai, ami sente triste tanba aviaun ni’an ho husi tasi ni’an loke maibé foho-foho taka oinsa mak sira iha ne’eba ni’an moris oinsa ho ami sira ne’e nia moris ami han hemu husi foho sira tun mai ami hodi han hemu, agora taka tiha ema la tun mai ami laiha tan folin husu ba bo’ot sira loke dalan ba sira tun mai”,dehan, Vendedora Merkadu Manleuana, Ana Quintão Oliveira ba GMN iha merkadu Manleuana, Sabadu (04/04/2020).

Iha fatin hanesan, Vendedora Filomena Martins hatete, atu pandemia ne’e labele da’et mai povu Timor-Leste, governu presiza tau atensaun no taka provizoriu pontu entrada sira, hanesan ho nasaun seluk iha mundu, nune’e prevene transmisaun COVID-19

Maibé, movimentasaun iha rai laran, liu-liu husi sidade ba munisípiu no husi kapitál ba munisípiu sai preokupasaun ba negósiante sira, tanba fó implikasaun ba sira nia sasan hirak ne’ebé faan kada loron inklui rendimentu husi loron ba loron.

“Hanesan ema ne’ebé mai husi estranjeiru hanesan mai iha karantina tuir lolos sira ne’ebé iha karantina labele sai tanba sira ne’e mak atu lori moras ne’e mai ita, ami husu sira husi ne’eba labele mai, tanba ami merkadu nafatin faan ami nia modo buka ami nia moris, ami sente triste tanba sasan sira husi foho sira  mós la tun agora ami foti saida mak buka osan para ami nia oan sira atu han”, dehan, nia.

Tuir observasaun Jornalista GMN iha terenu nota katak, movimentasaun komprador sira ni’an menus kompara ho situasaun antes.

Ho situasaun surtu Corona Vírus Disease 2019 (COVID-19) sai preokupasaun mundiál inklui Timor-Leste, negósiante sira kumpri regra hodi implementa fsiliman ho bee noo sabaun ba konsumidor sira, nune’e bele fase liman molok halo kompras no hafoin sosa sasan hirak ne’ebé faan husi vendedor sira.

Enkuantu tuir dadus atualizadus iha nível mundiál hamutuk ema 803,463 husi númeru ne’e, ema 39,116 mak mate ona no ema 174,629 mak rekupera ona husi COVID-19.Ina

 


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker