GMN TV Sosiedade Kumpri Kuarentena, okupante 83 fila ona ba uma

Kumpri Kuarentena, okupante 83 fila ona ba uma

Diretór Nasionál Polítika Kooperasaun Ministériu Saúde, Narcísio Fernandes, informa okupante na’in 83 fila ona ba ida-idak nia uma hafoin kompleta prosesu kuarentena durante loron 14 iha Hotel 3 diferente iha Díli.

Narcísio hateten, sidadaun ne’ebé kumpri periodu kuarentena iha hotel 3 diferente kompostu husi hotel SK hamutuk na’in 30 Hotel Colmera na’in 15 no Time Square Fatuhada hamutuk nain 36.

“Ita halo tan diskofinamentu ba alin sira ne’ebé durante ne’ebé mai husi fronteira iha dia 7 abril no kompleta ona 14 dias iha fatin 3, Hotel SK iha 30, Feto 16 Mane 16, Kolmera mane 15, Time Square feto 19 mane 17 no total hotu hamutuk 83, feto 33 mane 50,” dehan, Narcisio fernandes iha Time Square Fatuhada, Tersa (21/04/2020).

Nune’e, Kordenadór Destakamentu Reasaun Rápida Sentru Integradu Jestaun Krize, Aurélio Guterres hato’o agradese ba okupante hirak ne’e tanbá konsege halo kooperasaun diak ho ekipa servisu sira ho nune’e prosesu kuarentena la’o ho diak.

“Obrigado ba sira tanbá kontribui ba prevensaun COVID-19 no sai hatutan ba familia sosiedade atu bele kontribui no sira nia partisipasaun importante,” dehan, Nia.

Iha oportunidade ne’e mos ekipa saúde fahe sertifikadu ba okupante sira hanesan evidénsia katak sira laiha sintomas ba COVID-19, maibé tenke kontinua mantein meiu preventiva sira ne’ebé Ministeriu Saúde fó sai ona.

Nune’e Ekipa servisu desloka kedas okupante 83 ba Munisipiu sira hanesan Dili hamutuk ema nain 29, Baucau nain 14, Ermera nain 11, Lospalos nain 7, Bobonaro nain 7, Likisa nain 6, Ainaro nain 5, Viqueque nain 3, no ikus liu Manufahi nain 1.Ida


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker