GMN TV Sosiedade Pasajeiru Oecuse kontra Governu deside Ró Berlin Nakroma tula deit ema 50

Pasajeiru Oecuse kontra Governu deside Ró Berlin Nakroma tula deit ema 50

0 views

Pasajeiru Oecuse sira kontra desizaun Governu ne’ebé determina atu Ró Berlin Nakroma tula deit pasajeiru 50 ba Oecuse, hodi evita risku hadaet COVID-19 ba malu.

Pasajeiru Costantino da Costa, hatete maske desizaun governu ne’e atu evita risku hadaet Covid 19 tanba ne’e pasajeiru labele tur besik malu maibé ró Nakroma ne’e rasik bele tula pasajeiru to’o 400 resin.

Alénde ne’e pasajeiru sira mós husu Governu atu prepara nesesidade báziku ba sira hodi tula ba RAEOA tanba durante estadu emerjénsia fronteira iha Sakato governu taka hotu no laiha atividade negósiu.

“Ami nia hakarak mak di'ak liu ró nakroma bele tula ema atus ida Tanba fatin iha ró laran ne’e sei luan hela bai-bain tula ema nain atus hat neduni ami husu ba governu bele tula ema na’in atus ida laiha problema ami mos hatene moras Covid-19 ne’e prigu tebes tanba ema rihun-ba rihun mak mate ona iha nasaun bo-bot sira neduni ami kumpri desizaun ne’e maibe pasajeiru atus ida ne’e la nakonu tanba ró laran ne’e luan hateten Costantino da Costa ba GMN iha Portu Díli Kuarta (02/04)

“Ba viajen husi Díli ba Oecuse la konkorda atu ba kuarentena di'ak liu governu aplika ba sidadaun Timor-oan sira ne’ebé mai husi rai-liur no mos husi Oecuse mai Díli tanba dala ruma komunidade balun bele tama illegal liu husi fronteira Oecuse la’os ami ne’ebe halo viajen husi Díli ba RAEOA tanba iha portu Díli antes atu sae ró ekipa balun mos koko ami hafoin sae ró ne’e duni ami la konkorda ba desizaun governu nian atu ba Oecuse tenke ba kuarentena lai foin bele ba uma ne’e duni ida ne’e hanesan diskriminasaun ida ba Oecuse tanba munisipiu sira seluk mos Governu seidauk fo sai regra hodi aplika regra ida ne’e”,hateten Costantino.

Ba preokupasaun ne’e Xefe Gabinete Prezidente Autoridade RAEOA  Agostinho Caet, informa, nia parte sei hasoru malu ho Governu sentral atu buka solusaun hodi bele halo ema hotu kontente. Alende ne’e Xefe Gabinete Prezidente Autoridade RAEOA ne’e mos la konkorda ho desizaun ne’ebe governu fo sai katak sidadaun ne’ebe viajen husi Díli ba Oecuse tenke ba kuarentena foin ba uma desizaun ne’e konsidera hanesan desizaun diskrimantivu ba povu RAEOA.

Durante tempu Estadu Emerjénsia, Governu mós prepara ró Nakroma ho Susesu atu fasilita pasajeiru RAEOA ho Postu-Administrativu Atauro hodi halo operasaun

Enkuantu Operasaun ró nakroma no Susesu ne’e governu desidi ona semana ida halo operasaun dala ida iha loron Kinta no Domingu ho total kadeira ró Nakroma hamutuk 243.

Tuir obervasaun GMN iha terenu nota katak, pasajeiru barak mak hakarak atu halo viajen ba Oecusse ho Ro Berlin Nakroma.aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker